1 KORINTUS 1:20 - JANJAI BLAU Lem Bahaso Jang Bebilai

²⁰ Kerno'o, jano gunone tun-tun arif'o? Jano gunone tobo'o de temuan lemau? Jano gunone ahli-ahli peker dunio yo? Allah bi menea hikmat dunio yo jijai kebodohan?

1 KORINTUS 1:20 ပူးပေါင်းရင်းမြစ်များ

ROMA 1:22

Tobo'o menea seolah-olah tobo'o penuak hikmat, tapi tobo'o jijai bodong.

1 KORINTUS 3:19

Sebab de nanggap bijaksana ngen dunio adeba bodong bagiak Allah. Lem Kiteb Sucai tetulis, “Allah temakep tun-tun bijaksana lem kecerdikan tobo'o suang.”

1 KORINTUS 1:19

Kerno ade tetulis: “Kebijaksanaan tun-tun arif bakea Uku kemacau, ngen tai tun-tun de temuan lemau bakea Uku menyep.”

1 KORINTUS 2:6

Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep.

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

YOHANES 12:31

Uyo bi sapei waktaune dunio yo nakim, uyo kulo penguaso dunio yo bakea neluk moi luea.

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

ROMA 1:20

Sebab jano de coa keten kunei pado-Ne, adeba kekuatan-Ne de kekal ngen keilahian-Ne, dapet keten ngen pekeran kunei karya-Ne sejok dunio ceniptone, sehinggo tobo'o coa temuan alasan.

1 KORINTUS 1:26

Saudaro-saudaro! Cubo inget awei ipe keadaannu waktau Allah menok udi. Cuma didik bae kunei antarone de bijaksana, atau de temuan kuaso, atau jabatan lekat temurut keliak manusio.

1 KORINTUS 1:27

Tapi jano de bodong bagiak dunio, niliak Allah utuk semelek tun-tun de temuan hikmat, jano de lemah bagiak dunio, niliak Allah utuk semelek jano de kuet.

1 KORINTUS 1:28

Allah miliak de nanggap-Ne rendeak, hino, malah de nanggap coa de taine ngen dunio yo, supayo Allah majua de nanggep penting ngen dunio.

1 KORINTUS 2:8

Coa suang kulo kunei penguaso-penguaso zaman yo de namen tetang kebijaksanaan o. Sebab, seandaine tobo'o bi namenne, paset bae tobo'o coa bakea semalib Tuhan de mulio o.

1 KORINTUS 3:18

Jibeakba suang tun kulo mike diraine suang. Amen ade tun neak antaro udi asai diraine bijaksana temurut ukuran dunio yo, tun o harus jijai bodong, supayo si jijai benea-benea bijaksana.

1 KORINTUS 6:2

Atau udi coa namen, bahwo umat Allah bakea mukum dunio yo? Jijai, amen memang udi bakea mukum dunio yo, jano udi coa sanggup semlesei pekaro-pekaro pengadilan de coa ade taine?

1 KORINTUS 11:32

Tapi amen ite nukum Allah, Tuhan bakea mokoa ite, supayo ite jibeak keno ukum besamo-samo dunio yo.

YAKOBUS 4:4

Udi adeba tun de coa setia? Jano udi namen bahwo amen udi bekuat ngen dunio, mako udi jijai musuak Allah? Jijai api de lok kuat dunio yo, si jemijai diraine musuak Allah.