1 KORINTUS 1:12 - JANJAI BLAU Lem Bahaso Jang Bebilai

¹² De uku maksud adeba bahwo neak antaro udi ade de madeak, “Uku motoa Paulus,” ade kulo de madeak, “Uku motoa Apolos,” de luyen madeak, “Uku motoa Petrus,” dong de luyen igai madeak, “Uku motoa Kristus.”

1 KORINTUS 1:12 ပူးပေါင်းရင်းမြစ်များ

MATIUS 23:8

Tapi udi, jibeak lok endeu pak gu'au, kerno cuma ade do gu'aunu ngen udi kutene adeba pasuak.

YOHANES 1:42

Andreas mbin Simon ngen Yesus. Yesus kemliak si ngen madeak, “Ko Simon, anok Yona Ko bakea nelei gen Kefas.” (Kefas serai ngen Petrus, taine: tebo butau.)

KISAH RASUL-RASUL 18:24

Sementaro'o tekoba moi Efesus suang Yahudi genne Apolos. Si asalne kunei Aleksandria. Si pacok miling ngen kebiak paham tetang Kiteb Sucai.

KISAH RASUL-RASUL 19:1

Ketiko Apolos masiak neak Korintus, Paulus sudo kemliling daerah-daerah pelosok ngen sapei neak Efesus. Neak di si temau kekedau tun de sudo pecayo ngen Yesus.

1 KORINTUS 1:11

Sebab, tun-tun kunei keluargo Klöe melei namen ngen uku bahwo ade tekea neak antaro udi.

1 KORINTUS 15:5

Uku melei namen kulo ngenko bahwo Kristus de idup igai kemten kulo dirai-Ne ngen Petrus lajau ngen keduai belas rasul.

1 KORINTUS 15:50

Maksud uku, Saudaro-saudaro, adeba: awok de jenjai kunei daleak ngen daging, coa dapet masuk Dunio Blau Allah; ngen awok de dapet matei coa dapet jijai kekal.

1 KORINTUS 16:12

Tetang Saudaro ite Apolos, sudo kekedau kilai uku musul si supayo si besamo Saudaro de luyen lalau semulau udi. Tapi si ati meraso yakin bahwo si harus lalau uyo. Tapi amen ade kesempatan konyo, paset si bakea teko.

1 KORINTUS 4:6

Saudaro-saudaro! Utuk kepentingannu, uku bi makei kutene o ngen Apolos ngen diraiku suang. Maksudne supayo kunei contoh keme o udi dapet belajea jano tai ungkapan, “Bepegongba pado peraturan de ade.” Ngen awei o coa suang tun kulo kunei udi dapet ombong tetang suang tun, lajau mino de luyen.

1 KORINTUS 7:29

Maksud uku awei yo, Saudaro-saudaro: Ite coa dau waktau igai. Muloi kunei uyo, tiep tun de sudo ade pengaten selawei lokba si idup awei coa gen pengaten selawei;

1 KORINTUS 9:5

Jano uku coa ade hok mbin suang pengaten selawei de pecayo ngen Kristus besamo-samo uku lem pemaneuku, awei de nea Saudaro-saudaro Tuhan Yesus ngen rasul-rasul luyenne temasuk Petrus?

2 KORINTUS 10:7

Lokba udi sadar ngen keadaan de sebeneane. Amen suang tun yakin bahwo si de Kristus temuan, lokba si tinget diraine suang ngen sadar bahwo keme kulo de Kristus temuan awei si.

2 KORINTUS 9:6

Tingetba! Tun de tembea biniak didik, bakea mopoa asea de didik kulo. Tun de tembea biniak dau, bakea mopoa dau kulo.

GALATIA 2:9

Yakobus, Petrus ngen Yohanes, de ketenne jijai pemipin-pemipin jemaat, makau bahwo Allah bi melei ngen uku tugas de khusus yo. Mako tobo'o jabat tangen ngen Barnabas ngen uku sebagoi tando persahabatan. Lajau tobo'o ngen keme tujau bahwo keme bakea kerjo neak antaro bangso-bangso de iso Yahudi, ngen tobo'o neak antaro tun Yahudi.

GALATIA 3:17

Maksudku adeba: janjai Allah bi nea ngen bi sah lebiak dute, coa dapet mbuye ngen hukum agamo, de blau terbit pat otos telau puluak taun sesudo'o, sehinggo janjai o nyep kekutanne.