1 KORINTUS 1:10 - JANJAI BLAU Lem Bahaso Jang Bebilai

¹⁰ Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

1 KORINTUS 1:10 ပူးပေါင်းရင်းမြစ်များ

MATIUS 9:16

Coa ade tun menet bajau de bian ngen de lambea kainde gi blau. Sebab kain penapit'o bakea semgit bajau'o sehinggo segitne tambea lai.

MARKUS 2:21

Coa suang tun temepek delembea kain de belau ngen delembea kain de kidek, kerno amen awei yo kain penepek'o bakea cena'ikne, de belau cena'ik de kidek, lajau tambeak laiba segitne.

MARKUS 3:24

Amen debuak kerajaan tepecuak-pecuak, kerajaan'o coa dapet beta'en,

YOHANES 10:19

Kerno Yesus madeak awei o, tun-tun Yahudi muloi betekea, dau neak antaro tobo'o madeak,

YOHANES 17:23

Uku neak lem tobo'o ngen Ko neak lem Uku supayo tobo'o bebenea jijai do, supayo dunio namen bahwo Ko de mutus Uku ngen Ko mengasiak tobo'o, serai awei Ko mengasiak Uku.

YOHANES 7:43

Lajau timboa ba belawen neak antaro tun dau kerno Si.

YOHANES 9:16

Lajau padeak pa'o tun-tun Farisi o, “Tun yo coa teko kunei Allah, sebab si coa dulai bilai Sabat.” Tapi de luyen madeak, “Awei ipe suang tun beduso dapet menea tando mujizat de awei yo?” Lajau timboa ba selisiak neak antaro tobo'o.

KISAH RASUL-RASUL 4:32

Kute tun de pecayo o idup do atei ngen do jiwo. Coa suang kulo kunei tobo'o manggap bahwo de temuanne adeba temuanne suang. Kute de ade ngen tobo'o, tobo'o makei sesamo.

ROMA 1:13

Saudaro-saudaro, uku lok, supayo udi namen, bahwo uku bi cet beniat utuk teko ngen udi – tapi sapei uyo ade bae halangan – kunyau neak tengeak-tengeak udi uku dapet aseane, awei kulo neak tengeak-tengeak bangso iso Yahudi de luyen.

ROMA 12:1

Saudaro-saudaro, demi kemurahan Allah uku melei nasihat ngen udi, supayo udi melei awoknu sebagai persembahan de idup, de sucai, de berkenan ngen Allah: do'o adeba ibadahnu de sejati.

ROMA 12:16

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

ROMA 15:30

Demi Tuhan ite Yesus Kristus, ngen demi kasih de nelei Roh Allah, uku minoi nien ngen udi, semoga udi bedu'o kulo ngen sungguak-sungguak besamo-samo uku ngen Allah utuk uku.

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

1 KORINTUS 1:11

Sebab, tun-tun kunei keluargo Klöe melei namen ngen uku bahwo ade tekea neak antaro udi.

1 KORINTUS 11:18

Pertamo-tamo uku temi'uk, bahwo neak antaro udi ade kelopok-kelopok de selisiak. Ngen temurut uku bito o ade baneane.

1 KORINTUS 12:25

Ngen aweiyo, awok o coa tece'ei; masing-masing anggota dulai do ngen de luyenne.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

1 KORINTUS 4:16

Sebab o uku minoi nien supayo udi motoa contohku.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

2 KORINTUS 13:9

Keme senang amen keme lemah, ngen udi kuet. Keme bedu'o kulo supayo udi jijai sempurno.

2 KORINTUS 5:20

Jijai, keme yo utusan-utusan Kristus, awei Allah melei nasihat ngen udi liwet keme; lem gen Kristus keme minoi ngen udi: Keleiba dirainu damoi nge Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 4:12

Saudaro-saudaro! Uku minoi nien supayo udi jijai awei uku. Kerno uku kulo bi jijai awei udi. Udi coa menea sesuaktau kulo de saleak te'adep uku.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

1 TESALONIKA 5:13

Meneaba tobo'o ngen sehormat-hormatne, ngen kasih kerno minget jano de tobo'o menea. Hidupba ngen damoi.

2 TESALONIKA 2:1

Tetang tekone Tuhan te Yesus Kristus, ngen tetang bakea kenopoane ite utuk tinggea besamo Si, dioba de uku minoi nien kunei udi:

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.