1 KORINTUS 1:1 - JANJAI BLAU Lem Bahaso Jang Bebilai

^1-3 Saudaro-saudaro jemaat Allah neak Korintus! Udi sudo nok Allah utuk jijai umat-Ne kerno Saudaro de Yesus Kristus temuan, besamo-samo kute tun neak ipe bae de sembeak Tuhan ite Yesus Kristus, adeba Tuhan tobo'o ngen Tuhan ite kulo. Uku, Paulus, ngen Saudaro ite Sostenes, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen ko. Uku temulis su'et yo sebagai rasul Kristus Yesus, de naket Allah suang ngen das kelok-Ne kulo. Anugerah ngen damoi sejahtera kunei Allah, Bapate, ngen kunei Tuhan Yesus Kristus semerto udi.

1 KORINTUS 1:1 ပူးပေါင်းရင်းမြစ်များ

LUKAS 6:13

Ketiko kebilai, Si menok penotoa-penotoa-Ne ngen Si, lajau miliak kunei antaro tobo'o duai belas tun, Si temgen duai belas tun o rasul. Tobo'o adeba:

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 20:21

Lajau nadeak Yesus debat igai, “Damoi sejahtera utuk udi! Serai awei Bapa mutus Uku, awei o kulo uyo Uku mutus ko.”

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 18:17

Lajau tobo'o kute temakep Sostenes, pemipin umeak semyang, lajau mokoane neak adep pengadilan o. Tapi Galio samo sekilai coa dulai hal o.

KISAH RASUL-RASUL 22:21

Tapi Tuhan madeak ngen uku: ‘Lalauba, sebab Uku bakea mutus ko uak kunei yo ngen bangso-bangso luyen.’ ”

ROMA 1:1

Saudaro-saudaro kute neak Roma de kenasiak Allah ngen de sudo nok Allah utuk jijai umat-Ne. Allah sudo miliak ngen maket uku khusus utuk melei namen Bito Baik kunei Allah.

ROMA 1:10

Uku bedu'o, supayo ngen kelok Allah uku akhirne dapet kesepatan utuk semulau udi.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

1 KORINTUS 15:9

Uku adeba rasul Tuhan de paling tembeak. Uku coa patut senbut rasul, sebab uku sudo semikso jemaat Allah.

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 1:1

Saudaro-saudaro jemaat Allah neak Korintus ngen kute umat Allah neak kute Akhaya. Uku, Paulus, rasul Kristus Yesus, de naket das kelok Allah, besamo-samo ngen saudaro ite Timotius,

2 KORINTUS 11:5

Tapi temurut pendapetku didik kulo uku coa ade ku'ang kunei pado rasul-rasul de luea biaso o.

2 KORINTUS 12:12

Tando-tando suang rasul bi kenten neak tengeak-tengeak udi ngen kute kesabaran liwet tando-tando, mujizat-mujizat ngen kuaso-kuaso.

2 KORINTUS 8:5

Tobo'o melei lebiak dau kuneipado de keme ma'ep. Tobo'o mulo-mulo semreak dirai ngen Tuhan, sudo'o ngen keme kulo, sesuoi ngen kelok Allah.

GALATIA 1:1

Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

EFESUS 1:1

Umat Allah neak Efesus, de setia ngen Kristus Yesus!

EFESUS 4:11

Siba de melei pelei-pelei ngen manusio, pa'o naket-Ne jijai rasul, de luyen jijai nebai, de luyen igai jijai tukang melei Bito Baik o, ngen de luyenne naket-Ne kulo jijai gu'au-gu'au ngen gembala-gembala.

KOLOSE 1:1

Saudaro-saudaro umat Allah neak Kolose de setia jijai do ngen Kristus! Sebagai rasul Kristus Yesus, – kerno tenunjuk Allah – uku, Paulus, besamo-samo ngen Saudaro ite Timotius, ma'ep semoga Allah Bapa ite melei berkat, sejahtera ngen udi.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.