Tito 3:6 - Rapa Nui

⁶ Te ꞌAtua, i vaꞌai mai ai i te Vārua Maitai hai Ietū Kiritō, kope haka eꞌa i a tātou mai roto i te ūtuꞌa o te hara,

Tito 3:6 ပူးပေါင်းရင်းမြစ်များ

Iovani 1:16

ꞌE, ꞌi te riva rahi ōꞌona, he haꞌamaitai nō mai te aŋa i a tātou.

Iovani 16:7

Te parautiꞌa, i hau ꞌi te riva mo kōrua mo oho ōꞌoku. Mo taꞌe oho ōꞌoku, e ko tuꞌu mai tū kope hāꞌūꞌū era, he Vārua Maitai, mo noho ꞌi roto i a kōrua; ꞌe mo oho ōꞌoku, he uŋa mai e au.

Iovani 4:10

He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Iovani 7:37

Te mahana hopeꞌa o tū ŋoŋoro era, he mahana ꞌata hau o te nui-nui. ꞌI rā mahana he māroa a Ietū he kī pūai: «Te kope pohe ki te vai e oho mai ki a au, ꞌe te kope haka moe i tōꞌona manaꞌu ꞌi ruŋa i a au e unu. Pa he meꞌe kī ꞌi ruŋa i te ⌊Pāpaꞌi Moꞌa⌋: mai roto i rā kope ka tehe ena pa he rio te vai vaꞌai i te ora ꞌāpī ꞌina he hopeꞌa raꞌa o te ꞌAtua».

Aŋa o te ꞌĀpōtoro 10:45

Te nuꞌu hūrio haka moe i te manaꞌu ꞌi ruŋa i a Ietū tuꞌu ꞌi muri i a Pētero he māere ꞌo te topa o te Vārua Maitai ꞌi ruŋa i te nuꞌu taꞌe he hūrio.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

Rōmano 5:5

ꞌE, ꞌi te ꞌata pūai o te tātou manaꞌu ꞌi ruŋa i te ꞌAtua, e ꞌite nei e tātou e ko taꞌe aŋa e ia i tāꞌana meꞌe kī. Ko haka takeꞌa mai ꞌana, paꞌi, i te rahi o tōꞌona haŋa hai vaꞌai mai i te ⌊Vārua Maitai⌋ mo ŋaroꞌa e tātou i rā haŋa ꞌi roto i te māhatu.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.