Tito 3:14 - Rapa Nui

¹⁴ Te nuꞌu o tātou e ꞌite mo aŋa i te meꞌe riva-riva ꞌe mo hāꞌūꞌū i te rua, ki hauhaꞌa ai te rāua noho iŋa ꞌi te ao nei.

Tito 3:14 ပူးပေါင်းရင်းမြစ်များ

Māteo 21:19

He takeꞌa i te tumu pika e tahi ꞌi te ara. He haka hāhine, he uꞌi ꞌe ꞌina kai ravaꞌa e tahi meꞌe, he raupā nō. He kī ia ki tū tumu pika era: «¡Ki te hora hopeꞌa e ko ai haka ꞌou taꞌa pika!». Kai roa he paka-paka tū tumu era.

Māteo 7:19

Taꞌatoꞌa tumu hua o te meꞌe rake-rake, he paꞌo he hoa ki roto i te ahi.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 15:8

Mo hua rahi o kōrua, te auraꞌa, mo aŋa i te meꞌe tī-tika ki te mata o te ꞌAtua, e haꞌahana-hana ꞌā ki te ꞌAtua Matuꞌa, ꞌe he riro ia a kōrua he nuꞌu hāpī parautiꞌa ꞌāꞌaku.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Rōmano 15:28

Ki vaꞌai ki oti a au i tū meꞌe vaꞌai mai era e rā nuꞌu, he oho au ki Paniora ꞌe, ꞌi tōꞌoku ara ki ira, ka hipa atu ena a au ki a kōrua ꞌi Roma.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 4:16

ꞌĀtā ꞌi te hora era ōꞌoku ꞌi Tētārōnika, taꞌe nō e tahi haka maꞌu iŋa mai o kōrua hai moni.

Fīripo 4:17

Te meꞌe nei e au e kī atu ena taꞌe ꞌō he haŋa ōꞌoku mo hāꞌūꞌū mai; tōꞌoku haŋa mo ꞌata haꞌamaitai atu e te ꞌAtua ꞌo te hāꞌūꞌū mai o kōrua i a au.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.

2 Tētārōnika 3:8

ꞌe ꞌina mātou kai kai i te haraoa i taꞌe ꞌauhau e mātou. Te meꞌe nō, ka pō ka ꞌōtea e aŋa era mo ravaꞌa moni, ꞌo ai mātou he meꞌe paŋahaꞌa e tahi mo ꞌamo e kōrua,

Tito 2:8

ꞌe hai vānaŋa riva-riva ꞌe tī-tika, ꞌo ai te vānaŋa taꞌe tano mo kī e te tētahi taŋata mōꞌou. Pē ira ka haꞌamā ena te nuꞌu taꞌe haŋa ki te hāpī parautiꞌa o te ꞌAtua, he taꞌe ravaꞌa e rāua e tahi meꞌe taꞌe tano o tātou mo kī.

Tito 3:8

He parautiꞌa te ŋā meꞌe kī atu ena e au, ꞌe te meꞌe haŋa, ꞌi te hora nei, he haka aŋi-aŋi riva-riva e koe i nā ŋā meꞌe ki te nuꞌu haka moe i te manaꞌu ꞌi ruŋa i te ꞌAtua, ki ai ai o rāua he nuꞌu aŋa oho i te meꞌe riva-riva. Te hāpī ena he meꞌe tano ꞌe riva-riva mo te taꞌatoꞌa.

2 Pētero 1:8

ꞌE mo ai nā i a kōrua te ŋā meꞌe nei ꞌe e haka pūai e oho rō ꞌana, ꞌina ia te kōrua noho iŋa e ko māuꞌa, ꞌe te māhani o kōrua ki te tātou Pūꞌoko Haka Tere ko Ietū Kiritō e ko māuꞌa takoꞌa.