Tito 3:13 - Rapa Nui

¹³ E Tito, e hāꞌūꞌū koe ki a ꞌĀporo ꞌe ki a Tena, kope maꞌu ture o te rua ꞌi roto i te hare ture, hai meꞌe mo te rāua ara.

Tito 3:13 ပူးပေါင်းရင်းမြစ်များ

Māteo 22:35

E tahi o rā nuꞌu, ⌊maꞌori o te haka tere hūrio⌋, ꞌi te haŋa mo haka ꞌatu i a Ietū, he ꞌui:

Ruka 10:25

He oho e tahi ⌊maꞌori o te haka tere hūrio⌋ he vānaŋa ararua ko Ietū mo haka ꞌatu pē hē ka pāhono era, he ꞌui: —E te Maꞌori, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Ruka 11:45

He kī ia e te maꞌori e tahi o te haka tere hūrio: —E te Maꞌori, taꞌa meꞌe kī ena e taꞌe haka au mai ꞌā i a mātou takoꞌa.

Ruka 11:52

»¡Ko te ꞌaroha i a kōrua, e te maꞌori o te haka tere hūrio ē!, toꞌo mo kōrua i te tāviri mātaki i te ꞌōpani uru ki te ara parautiꞌa o te ꞌAtua. ꞌE, a kōrua mau ena ꞌā ꞌina he uru ꞌe, takoꞌa, ꞌina he haka rē mo uru i te taŋata e haŋa rō ꞌā mo uru.

Ruka 14:3

He ꞌui ia e Ietū ki te ⌊maꞌori o te haka tere hūrio⌋ ꞌe ki te fariseo: «¿E haꞌatiꞌa rō ꞌana mo haka ora i te taŋata māui-ui ꞌi te mahana haka ora?».

Ruka 7:30

Te nuꞌu ⌊fariseo⌋ ꞌe te nuꞌu ⌊maꞌori o te haka tere hūrio⌋ kai haka papatito i a rāua he taꞌe haŋa ki te meꞌe haka ꞌite e te ꞌAtua mo te rāua riva-riva.

Aŋa o te ꞌĀpōtoro 15:3

Te nuꞌu uŋa nei e te taina o Antiokia, i vari era a te kona o Fenitia ꞌe o ⌊Tāmāria⌋, he ꞌaꞌamu he oho pē hē te nuꞌu taꞌe he hūrio i haka rē ai i te rāua haka tere iŋa mo haka moe i te manaꞌu ꞌi ruŋa i a Ietū. He koa rō atu ꞌai te taina taꞌatoꞌa ꞌi tū parau ꞌāpī era.

Aŋa o te ꞌĀpōtoro 18:24

ꞌI rā ŋā mahana, he tuꞌu ki Ēfeto te taŋata hūrio e tahi te ꞌīŋoa ko ꞌĀporo o te kona ko Arehantāria. Te taŋata nei ko ꞌite riva-riva ꞌā mo vānaŋa ꞌe ko ꞌite riva-riva ꞌana i te meꞌe o ruŋa ꞌi te ⌊Pāpaꞌi Moꞌa⌋.

Aŋa o te ꞌĀpōtoro 19:1

ꞌI te hora o ꞌĀporo ꞌi Kōrinto ꞌā, he kona o Ākāia, ꞌai a Pauro e oho era a te kona maꞌuŋa ꞌātā ka tuꞌu rō ki Ēfeto. ꞌI ira i piri ai ki te tētahi nuꞌu ⌊haka moe i te manaꞌu⌋ ꞌi ruŋa i te ꞌAtua.

Aŋa o te ꞌĀpōtoro 21:5

I oti era te ŋā mahana nei, he eꞌa a mātou mo oho. Te nuꞌu taina taꞌatoꞌa ananake ko te rāua ŋā viꞌe ꞌe ŋā poki he uŋa i a mātou ꞌātā ka tuꞌu rō ki te taha-taha o te tai. ꞌI ira a mātou i tū-turi i pure tahi ai.

Aŋa o te ꞌĀpōtoro 28:10

ꞌI te haŋa rahi mai o te nuꞌu o rā motu, hai koa i hāpaꞌo mai ai. I tano era te mahana mo reva a mātou ꞌi ruŋa i te pahī, he vaꞌai mai e rā nuꞌu hai meꞌe mo te mātou ara.

Rōmano 15:24

ko manaꞌu ꞌana a au mo hipa atu ꞌi tōꞌoku ara ka oho nei ki Paniora. Ki tuꞌu atu a au ꞌe ki koa tātou, ka ai atu mahana taꞌe rahi, he oho haka ꞌou a au ꞌi tōꞌoku ara hai hāꞌūꞌū o kōrua.

1 Kōrinto 16:11

ꞌIna kōrua ko uꞌi taꞌe au ki a ia; e hāꞌūꞌū i tōꞌona ara mo oho mai mo uꞌi i a au. ꞌĪ a au e tiaki atu ena ki a ia ꞌe ki te ŋā taina hokorua ena i a ia.

1 Kōrinto 16:12

ꞌE te tātou taina a ꞌĀporo, i kī rō e au mo oho atu ꞌi muri i te taina oho atu uꞌi i a kōrua, ꞌe, mo te hora nei, ꞌina e ko tano mo oho atu. Ki tano tōꞌona hora ka oho atu ena.