Tito 2:2 - Rapa Nui

² E hāpī ki te ŋāŋata paꞌari mo hāito i te rāua meꞌe kī ꞌe i te rāua meꞌe aŋa, mo haka tere i a rāua hai meꞌe tano ki moꞌa ai i a rāua e te taŋata, mo haka topa riva-riva i te manaꞌu, mo haŋa ki te rua hai māhatu, mo haka hio-hio i te rāua manaꞌu ki te roŋo parautiꞌa o te ꞌAtua, ꞌe mo haꞌaoromaꞌi i te ꞌati hai pūai.

Tito 2:2 ပူးပေါင်းရင်းမြစ်များ

Marko 5:15

I tuꞌu era ki tū kona era ꞌi ira a kuā Ietū, he takeꞌa i te kope oꞌo era e te tātane ko riva-riva ꞌā, e uru rō ꞌana i te kahu ꞌe e noho rō ꞌā ꞌi muri i a Ietū. He riꞌa-riꞌa ananake.

Ruka 8:35

He eꞌa he oho te nuꞌu mo uꞌi i rā meꞌe. I tuꞌu era ki te kona ꞌi ira a Ietū, he takeꞌa e noho rō ꞌana ꞌi tōꞌona vaꞌe rā taŋata eꞌa era o te tātane, e uru rō ꞌana i te kahu ꞌe ko riva-riva ꞌā. He riꞌa-riꞌa tahi rō ꞌai tū nuꞌu era.

Aŋa o te ꞌĀpōtoro 24:25

I vānaŋa era a Pauro o ruŋa o te noho iŋa tano ki te mata o te ꞌAtua, o ruŋa i te haŋa o te ꞌAtua mo ꞌite o te taŋata mo hāito i te rāua meꞌe kī ꞌe i te rāua meꞌe aŋa, ꞌe o ruŋa o te ture hopeꞌa o te ꞌAtua pe muꞌa ka oho ena, he riꞌa-riꞌa rō atu ꞌai a Fēriki ꞌe he kī: «¡Ko oti ꞌā! Ka eꞌa koe ka oho. ꞌI tōꞌoku hora topa he hāꞌaki atu a au mo hoki mai ōꞌou mo vānaŋa o tāua».

Rōmano 12:3

Pa he taŋata uŋa au e te ꞌAtua hai riva rahi ōꞌona mo haka ꞌite atu i tāꞌana roŋo, ꞌī a au he kī atu: ꞌina ko manaꞌu ꞌata hau kōrua ki te roa parautiꞌa vaꞌai atu era e te ꞌAtua. Te tano mau: e ꞌite kōrua mo haka tano i te manaꞌu ki te pūai o te kōrua haka moe iŋa o te manaꞌu ꞌi ruŋa i a Ietū Kiritō.

1 Kōrinto 15:34

E haka topa riva-riva haka ꞌou te manaꞌu, ꞌe ꞌina ko hara. Te tētahi, paꞌi, o kōrua ꞌina he ꞌite i te hāpī parautiꞌa o te ꞌAtua. E kī atu ena a au i te meꞌe nei mo haꞌamā o kōrua.

1 Kōrinto 9:25

Te nuꞌu ꞌāꞌati e hāpaꞌo rō ꞌana i a rāua mo te hora o te ꞌāꞌati. E aŋa ena pē ira mo rē i te hei, ꞌe rā hei e hopeꞌa era he mae-mae. ꞌE, a tātou e aŋa nei mo ravaꞌa i te meꞌe te hauhaꞌa e ko kore ki te hora hopeꞌa.

2 Kōrinto 5:13

Mo kī o te nuꞌu e maꞌa-maꞌa rō ꞌā a mātou, ꞌina kōrua ko tapa atu; te meꞌe taꞌatoꞌa aŋa o mātou mo te ꞌAtua. ꞌE mo kī o te nuꞌu e haka topa riva-riva rō ꞌā a mātou i te manaꞌu, ko ꞌite ꞌana e kōrua e aŋa nei mātou mo te kōrua riva-riva.

Karatia 5:23

he taꞌe manaꞌu i hau rō atu ki te rua, ꞌe he ꞌite mo hāito i te meꞌe kī ꞌe i te meꞌe aŋa. Te nuꞌu pē nei, e ko aŋa e tahi meꞌe hape ki te haka tere iŋa o te ꞌAtua.

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

1 Tētārōnika 5:8

A tātou, te nuꞌu o te ꞌōtea, e ꞌite mo hāito, paurō te mahana, i te tātou meꞌe kī ꞌe i te tātou meꞌe aŋa. ꞌE pa he hāpaꞌo iŋa o te vaꞌehau i a ia hai kahu aŋa hai ꞌaurī, pē ira takoꞌa ꞌana a tātou ana hāpaꞌo i a tātou hai haka moe i te manaꞌu ꞌi ruŋa i a Ietū ꞌe hai haŋa ki a ia ꞌe ki te rua, ꞌo aŋa mai e Rukifero i te meꞌe mo haka hara i a tātou. ꞌE pa he hāpaꞌo iŋa o te vaꞌehau i tōꞌona pūꞌoko e puꞌa i te haꞌu aŋa hai ꞌaurī, pē ira takoꞌa tātou ana hāpaꞌo i a tātou hai maꞌu hio-hio ꞌi roto i a tātou i te parautiꞌa: a Ietū e haka eꞌa rō i a tātou mai roto i te ūtuꞌa o te hara ꞌe e vaꞌai rō mai i te ora ꞌāpī ꞌina he hopeꞌa raꞌa.

1 Timoteo 1:10

mo te nuꞌu taiꞌata ꞌe mo te nuꞌu aŋa i te tētahi atu meꞌe pē ira, mo te nuꞌu hiku, mo te nuꞌu hoꞌo i te taŋata, mo te nuꞌu reo-reo, mo te nuꞌu hōrea hai reo-reo, te kī, mo te nuꞌu taꞌatoꞌa aŋa i te meꞌe taꞌe tano ki te hāpī parautiꞌa o te ꞌAtua.

1 Timoteo 1:14

ꞌE i haka ꞌite rō mai e ia i tōꞌona riva ꞌe i tōꞌona haŋa ki a au hai haka poreko ꞌi roto i a au i te haŋa mo haka moe ōꞌoku i te manaꞌu ꞌi ruŋa i a Ietū, ꞌe i te haŋa mo te rua taŋata hai Ietū Kiritō.

1 Timoteo 1:2

he ꞌaroha atu ki a koe, e Timoteo ē. A koe pa he poki parautiꞌa mau ꞌana ꞌāꞌaku ꞌi te haka moe iŋa i te manaꞌu ꞌi ruŋa i a Ietū. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

1 Timoteo 1:5

E kī atu ena i te vānaŋa nei ꞌi te haŋa ōꞌoku mo ai o te haŋa ꞌi roto i a tātou, he haŋa eꞌa mai roto i te māhatu maꞌitaki, mai roto i te manaꞌu riva-riva ꞌe mai te haka moe iŋa parautiꞌa i te manaꞌu ꞌi ruŋa i te ꞌAtua.

1 Timoteo 3:11

ꞌE te rāua ŋā viꞌe, e ai e moꞌa takoꞌa rō ꞌana e te taŋata, he ŋā viꞌe taꞌe haꞌaꞌino, hāito i te rāua meꞌe kī ꞌe i te rāua meꞌe aŋa, ꞌe he ŋā viꞌe haka tano i te rāua meꞌe kī.

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 3:4

ꞌite mo haka tere riva-riva i tōꞌona hare, ki haꞌatura ai ꞌe ki moꞌa ai e tāꞌana ŋā poki, ꞌe rā ŋā poki ꞌina ko ai e tahi hape.

1 Timoteo 3:8

Te ŋāŋata toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū e ai takoꞌa he ŋāŋata e moꞌa rō ꞌā e te nuꞌu, ŋāŋata haka tano i te rāua meꞌe kī, taꞌe he taꞌero, ꞌe taꞌe nou-nou moni.

1 Timoteo 5:1

Ana kī tāꞌue koe i te hape o te taŋata paꞌari, e kī hai moꞌa, pa he kī iŋa ōꞌou ki tuꞌu matuꞌa tane. Ki te ŋāŋata ꞌāpī e kī pa he kī iŋa ōꞌou ki tuꞌu taina.

Tito 1:13

ꞌE he parautiꞌa. ꞌO ira, e haka pūai koe ana ture, ki tano ai te rāua haka moe iŋa i te manaꞌu ꞌi ruŋa i te ꞌAtua,

Tito 1:8

E ai he taŋata haŋa mo toꞌo ꞌe mo hāpaꞌo i te nuꞌu tuꞌu ki tōꞌona hare, he taŋata aŋa i te meꞌe riva-riva mo te rua, haka topa riva-riva i te manaꞌu ꞌe aŋa i te meꞌe tī-tika, he taŋata māhatu maꞌitaki, ꞌite mo hāito i tāꞌana meꞌe kī ꞌe i tāꞌana meꞌe aŋa.

Tito 2:7

ꞌE a koe, e Tito ē, e haka tere koe ꞌi te hora taꞌatoꞌa hai meꞌe tano, ki takeꞌa ai e te nuꞌu pē hē a rāua ana haka tere. E hāpī koe ki te taina hai parautiꞌa, hai pūai o tuꞌu māhatu,

Firemono 1:9

ꞌe ꞌina a au kai haŋa mo aŋa pē ira. ꞌI te ai o tuꞌu here mo te taina, te haŋa e no-noꞌi atu. ꞌĪ a au, a Pauro, korohuꞌa, e puru atu ena ꞌi te hora nei ꞌo te haka ꞌite o ruŋa i a Ietū Kiritō,

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

2 Pētero 1:6

ꞌe ki te ꞌite i te haka topa riva-riva i te manaꞌu, te ꞌite i te haka noho ꞌo hara, ꞌe ki te ꞌite i te haka noho ꞌo hara, te ꞌite i te haꞌaoromaꞌi hai haumārū, ꞌe ki te ꞌite i te haꞌaoromaꞌi hai haumārū, te moꞌa ꞌe te haꞌatura ki te ꞌAtua,