Tito 2:15 - Rapa Nui

¹⁵ He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

Tito 2:15 ပူးပေါင်းရင်းမြစ်များ

Māteo 7:29

e hāpī era pa he taŋata i a ia mau ꞌā te parau, taꞌe ꞌō pa he ⌊maꞌori o te haka tere hūrio⌋.

Marko 1:22

I ŋaroꞌa era i a Ietū, he māere tahi ꞌi te pūai o te hāpī iŋa; e hāpī era pa he taŋata i a ia te parau o te meꞌe taꞌatoꞌa ꞌe taꞌe pa he hāpī iŋa o te ⌊maꞌori o te haka tere hūrio⌋.

Marko 1:27

He riꞌa-riꞌa te nuꞌu taꞌatoꞌa koia ko ꞌui ki a rāua ꞌā: «¿He aha nei? ¡Te huru o tōꞌona hāpī iŋa huru ꞌāpī! ¡Te pūai ꞌātā he haꞌatura e te tātane!».

Ruka 4:36

He riꞌa-riꞌa tahi tū nuꞌu era koia ko kī ki a rāua ꞌā: «¿Ko ŋaroꞌa ꞌā e kōrua te vānaŋa o te kope era? I kī era ki te tātane ka eꞌa, he eꞌa rō ꞌai».

1 Kōrinto 16:11

ꞌIna kōrua ko uꞌi taꞌe au ki a ia; e hāꞌūꞌū i tōꞌona ara mo oho mai mo uꞌi i a au. ꞌĪ a au e tiaki atu ena ki a ia ꞌe ki te ŋā taina hokorua ena i a ia.

1 Timoteo 5:20

ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 1:13

ꞌE he parautiꞌa. ꞌO ira, e haka pūai koe ana ture, ki tano ai te rāua haka moe iŋa i te manaꞌu ꞌi ruŋa i te ꞌAtua,

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.