Tito 2:12 - Rapa Nui

¹² ꞌE hai riva rahi o te ꞌAtua e ai nei i a tātou i te nuꞌu ⌊haka moe i te manaꞌu⌋ ꞌi ruŋa i a Ietū te haŋa mo haka tapa mai te meꞌe taꞌe tano ꞌe mai te pohe ki te meꞌe o te ao mau nō, ꞌe te haŋa takoꞌa mo haka tere o tātou ꞌi te ao nei hai haka topa riva-riva i te manaꞌu, hai aŋa i te meꞌe tī-tika ki tōꞌona mata, ꞌe hai moꞌa ꞌe haꞌatura ki a ia,

Tito 2:12 ပူးပေါင်းရင်းမြစ်များ

Māteo 12:32

Te ꞌAtua, paꞌi, e haka kore nō ꞌātā i te hara o te taŋata kī i te vānaŋa taꞌe tano mo te Poki o te taŋata; ꞌe, te kope kī i te vānaŋa taꞌe tano mo te Vārua Maitai, e ko haka kore e te ꞌAtua i tōꞌona hara ꞌi te ao nei ꞌe ꞌi te ao ka tuꞌu mai ena.

Māteo 16:24

He kī ia e Ietū ki tū nuꞌu taꞌatoꞌa hāpī era ꞌāꞌana: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Ruka 1:75

hai māhatu maꞌitaki, ꞌe hai aŋa i te meꞌe tī-tika ꞌi muꞌa ōꞌona paurō te mahana ꞌātā ki te tātou mate iŋa».

Iovani 14:30

ꞌIna a au e ko vānaŋa rahi haka ꞌou atu; nā, paꞌi, e oho mai ena te kope ꞌāꞌana te ao nei te haka tere. ꞌE, ka ai atu ꞌāꞌana te haka tere, taꞌe i a ia te parau ōꞌoku.

Iovani 6:25

I tuꞌu era rā nuꞌu ki te rua pāꞌiŋa, he ravaꞌa i a Ietū ꞌe he ꞌui: —E te Maꞌori, ¿ꞌi ꞌaŋahē koe i oho mai ai?

Aŋa o te ꞌĀpōtoro 24:16

ꞌI te manaꞌu ōꞌoku pē ira, e uꞌi nei a au, paurō te mahana, mo tano o tōꞌoku noho iŋa ki te mata o te ꞌAtua ꞌe ꞌi muꞌa o te taŋata.

Aŋa o te ꞌĀpōtoro 24:25

I vānaŋa era a Pauro o ruŋa o te noho iŋa tano ki te mata o te ꞌAtua, o ruŋa i te haŋa o te ꞌAtua mo ꞌite o te taŋata mo hāito i te rāua meꞌe kī ꞌe i te rāua meꞌe aŋa, ꞌe o ruŋa o te ture hopeꞌa o te ꞌAtua pe muꞌa ka oho ena, he riꞌa-riꞌa rō atu ꞌai a Fēriki ꞌe he kī: «¡Ko oti ꞌā! Ka eꞌa koe ka oho. ꞌI tōꞌoku hora topa he hāꞌaki atu a au mo hoki mai ōꞌou mo vānaŋa o tāua».

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Rōmano 6:12

ꞌO ira, ꞌina ko haꞌatiꞌa ki te hara mo haka aŋa mo oho nō atu i a kōrua hai meꞌe taꞌe tano pohe e te hakari.

Rōmano 6:19

(E haꞌaauraꞌa atu ena a au hai ꞌekaravo he aŋa riꞌa-riꞌa o kōrua mo aŋi-aŋi i te ŋā meꞌe nei). ꞌO ira, pa he vaꞌai iŋa o kōrua i te hakari mo aŋa i te meꞌe taꞌe tano ꞌi muꞌa ꞌā, pē ira takoꞌa ꞌā ana vaꞌai ꞌi te hora nei i te hakari mo aŋa i te meꞌe riva-riva ki te mata o te ꞌAtua, ki ai ai te kōrua huru ꞌe te kōrua noho iŋa e tano rō ꞌā ki a ia.

Rōmano 8:13

Mo noho mo aŋa o kōrua i nā meꞌe, he mate kōrua ꞌe he haꞌataꞌa mau rō ꞌāvai mai muri i te ꞌAtua. ꞌE, mo taꞌe haꞌatura haka ꞌou o kōrua ki te meꞌe pohe nō e te hakari hai hāꞌūꞌū o te Vārua Maitai, te meꞌe mo ravaꞌa he ora ꞌāpī ꞌina he hopeꞌa raꞌa.

2 Kōrinto 1:12

E te taina, e koa nei a mātou ꞌi te meꞌe era e haka ꞌite rō mai ꞌana e te mātou māhatu pē nei ē: te noho iŋa o mātou ꞌi roto i a kōrua ꞌe ꞌi roto i te taŋata taꞌatoꞌa hai moꞌa ꞌe hai parautiꞌa o te ꞌAtua. A mātou e haka tere nei hai haka moe i te manaꞌu ꞌi ruŋa i te riva rahi o te ꞌAtua, ꞌe taꞌe ꞌō hai mārama-rama o te taŋata.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Kōrosa 1:22

ꞌE hora nei, te ꞌAtua ko haka riva-riva haka ꞌou ꞌana i a kōrua ki a ia hai mate iŋa era o Ietū Kiritō pa he taŋata. Te meꞌe nei i aŋa ai ki tuꞌu ai a kōrua ki muꞌa o te ꞌAtua e maꞌitaki rō ꞌā ꞌina e tahi hara, ꞌe ꞌina e tahi hape mo tuhi atu.

1 Tētārōnika 4:7

Taꞌe, paꞌi, mo noho ꞌi roto i te hara i haꞌataꞌa ai e te ꞌAtua i a tātou i te nuꞌu haka moe i te manaꞌu ꞌi ruŋa i a Ietū; i haꞌataꞌa ai mo noho ꞌina e tahi hara.

1 Tētārōnika 4:9

ꞌE o ruŋa i te meꞌe he haŋa o te taina haka moe i te manaꞌu ꞌi ruŋa i a Ietū ꞌi roto i a rāua ꞌā, ꞌina e mātou e ko pāpaꞌi atu. Ko hāpī atu era ꞌā, paꞌi, e te ꞌAtua mau ꞌā mo haŋa o kōrua ki te rua.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Timoteo 6:9

ꞌE te nuꞌu haŋa mo ꞌono e haka ꞌatu rō e te rauhuru meꞌe mo hara. Pē ira he ravaꞌa riva-riva i a rāua e te pohe ki te meꞌe taꞌe tano ꞌe maꞌa-maꞌa, he meꞌe mo maꞌu i a rāua ki roto i te ꞌati ꞌe ki roto i te ūtuꞌa.

2 Timoteo 3:12

ꞌĪ a au he kī atu: te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū Kiritō, haŋa mo riro o rāua he nuꞌu moꞌa ꞌe haꞌatura ki a ia, e ꞌite: he tute i a rāua e te nuꞌu taꞌe haŋa ki te ꞌAtua mo tōtōā.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

ꞌEvereo 8:11

ꞌI rā noho iŋa, ¿mo aha atu ꞌā a rāua ana hāpī haka ꞌou ki te huaꞌai ꞌe ki te nuꞌu o te henua o ruŋa i a au? Taꞌatoꞌa nō, paꞌi, ka ꞌite ena ko ai a au, mai te kope hopeꞌa o te ꞌiti-ꞌiti ki te kope hopeꞌa o te nui-nui.

Tanatiako 1:27

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia

1 Iovani 2:27

ꞌIna ko rehu: a kōrua ko haꞌataꞌa ꞌā e Ietū Kiritō māꞌana hai vaꞌai atu i te Vārua Maitai, ꞌe taꞌe i te taŋata te vānaŋa hopeꞌa o ruŋa i te meꞌe o te ꞌAtua. Mo te Vārua Maitai e haka ꞌite atu o ruŋa i te meꞌe taꞌatoꞌa ꞌe tāꞌana hāpī he parautiꞌa, taꞌe he reo-reo. ꞌE, pa he meꞌe haka ꞌite atu e ia, ꞌina kōrua ko haka tapa mai muri i a Ietū Kiritō.

1 Iovani 2:6

Te kope kī: ꞌi muri i te ꞌAtua a ia, e haka tere ia i a ia pē Ietū Kiritō.

1 Iovani 5:19

A tātou ko ꞌite takoꞌa ꞌana: o te ꞌAtua a tātou, ka ai atu ꞌa Rukifero te haka tere i te ao nei.

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».

Meꞌe Haka Takeꞌa 14:12

ꞌI te meꞌe era pē ira ka topa ena, te nuꞌu haꞌataꞌa e te ꞌAtua māꞌana, haꞌatura i tāꞌana roŋo, taꞌe haka rē i a Ietū ki te hora hopeꞌa, e ꞌite mo ꞌamo i te ꞌati topa ꞌi ruŋa i a rāua.