Tito 2:10 - Rapa Nui

¹⁰ ꞌe taꞌe toke ki te hora hopeꞌa, ki takeꞌa ai e te taŋata taꞌatoꞌa i te meꞌe riva-riva ꞌe nehe-nehe o te hāpī parautiꞌa o te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Tito 2:10 ပူးပေါင်းရင်းမြစ်များ

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 5:16

Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

Ruka 1:47

te koa o tōꞌoku vārua i a ia, ꞌAtua haka eꞌa i a au mai te ūtuꞌa o te hara.

Ruka 1:80

ꞌE, ko nui-nui ko oho ꞌā tū poki era koia ko te pūai ko te oho tōꞌona vārua. ꞌI te kona ꞌone taꞌe noho taŋata i noho ai ꞌātā ka tano rō te mahana mo haka ꞌite i a ia ki te itaraera.

Ruka 16:10

»Te kope aŋa tī-tika i te aŋa ꞌiti-ꞌiti, pē ira ꞌā ka aŋa tī-tika era i te aŋa nui-nui; ꞌe te kope taꞌe aŋa tī-tika i te aŋa ꞌiti-ꞌiti, pē ira ꞌā ka taꞌe aŋa tī-tika era i te aŋa nui-nui.

Iovani 12:6

I kī ai i te meꞌe nei e Hura taꞌe ꞌo te haka ꞌaroha ꞌi te veve, he toke-toke. ꞌĀꞌana, paꞌi, te hāpaꞌo i te rāua pūtē moni, ꞌe he toke nō te aŋa.

1 Kōrinto 4:2

Ko ꞌite ꞌana e kōrua: te taŋata ki a ia e vaꞌai ena i te aŋa e haka tano tahi i te meꞌe kī mo aŋa.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 4:8

ꞌE tāꞌaku vānaŋa hopeꞌa mo kōrua, e te taina ē: e manaꞌu ki te meꞌe parautiꞌa, ki te meꞌe taꞌatoꞌa tano mo moꞌa, ki te meꞌe tano ki te mata o te ꞌAtua, ki te meꞌe ꞌina he hara, ki te meꞌe nehe-nehe, ki te taꞌatoꞌa meꞌe riva-riva. Te kī: e manaꞌu ki te meꞌe taꞌatoꞌa tī-tika ꞌe tano mo haꞌahana-hana.

1 Timoteo 1:1

A au, a Pauro, ⌊ꞌāpōtoro⌋ ꞌa Ietū Kiritō, uŋa e te ꞌAtua, kope toꞌo i a tātou mai roto i te ūtuꞌa o te hara, ꞌe e Ietū Kiritō, kope ꞌi ruŋa i a ia e ŋatu ena te tātou haŋu,

1 Timoteo 5:17

Te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū aŋa riva-riva i te rāua aŋa e moꞌa ꞌe e ꞌauhau riva-riva e te taina. ꞌE te nuꞌu raꞌe mau mo moꞌa ꞌe mo ꞌauhau riva-riva ko te ŋā pūꞌoko haka tere ena te rāua aŋa he haka ꞌite i te vānaŋa o te ꞌAtua.

1 Timoteo 6:1

E Timoteo, e haka ꞌite ki te nuꞌu ꞌekaravo ⌊haka moe i te manaꞌu⌋ ꞌi ruŋa i a Ietū: e moꞌa i te taŋata haka aŋa i a rāua. Mo taꞌe moꞌa o rāua, he kī e te nuꞌu i te vānaŋa taꞌe tano o ruŋa i te tātou hāpī ꞌe o ruŋa i te ꞌAtua.

1 Timoteo 6:3

Mo hāpī o te kope e tahi i te meꞌe kē ꞌe ꞌina he haŋa ki te hāpī parautiꞌa o te tātou Pūꞌoko Haka Tere ko Ietū Kiritō ꞌe ki te hāpī maꞌu e tātou,

Tito 3:4

ꞌE te ꞌAtua, kope toꞌo i a tātou mai roto i te ūtuꞌa o te hara, i haka takeꞌa rō mai i tōꞌona riva ꞌe i tōꞌona haŋa.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.