Tito 1:9 - Rapa Nui

⁹ Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Tito 1:9 ပူးပေါင်းရင်းမြစ်များ

Aŋa o te ꞌĀpōtoro 18:28

ꞌI muꞌa i te nuꞌu taꞌatoꞌa, e haka ꞌite e oho era a ꞌĀporo i te hape o te meꞌe kī e te hūrio, ꞌe hai meꞌe pāpaꞌi ꞌi ruŋa i te Pāpaꞌi Moꞌa e haka takeꞌa era: he parautiꞌa a Ietū he Kiritō.

1 Kōrinto 14:24

ꞌE mo vānaŋa tahi o kōrua i te vānaŋa haka ꞌite atu e te ꞌAtua hai ꞌarero aŋi-aŋi e te taŋata ꞌe he tuꞌu atu ki muri i a kōrua te nuꞌu taꞌe haka moe i te manaꞌu ꞌi ruŋa i a Ietū ꞌe te nuꞌu taꞌe aŋi-aŋi o ruŋa i te ŋā meꞌe nei, ka ŋaroꞌa era i te kōrua vānaŋa, he haka topa riva-riva i te manaꞌu: a rāua he nuꞌu hara ꞌe e ai rō ꞌā te ūtuꞌa mo rāua mo taꞌe huri o te manaꞌu ki te ꞌAtua,

1 Tētārōnika 5:21

E uꞌi riva-riva hoki rā vānaŋa kī atu era he parautiꞌa mau ꞌā o te Vārua Maitai ꞌe, mo ai pē ira, e maꞌu e kōrua.

2 Tētārōnika 2:15

ꞌO ira, e te taina ē, e haka noho e oho te kōrua manaꞌu ꞌi ruŋa i a Ietū ꞌe ꞌi ruŋa i te meꞌe hāpī atu era e mātou, ka ai i vānaŋa ꞌo i pāpaꞌi atu.

1 Timoteo 1:10

mo te nuꞌu taiꞌata ꞌe mo te nuꞌu aŋa i te tētahi atu meꞌe pē ira, mo te nuꞌu hiku, mo te nuꞌu hoꞌo i te taŋata, mo te nuꞌu reo-reo, mo te nuꞌu hōrea hai reo-reo, te kī, mo te nuꞌu taꞌatoꞌa aŋa i te meꞌe taꞌe tano ki te hāpī parautiꞌa o te ꞌAtua.

1 Timoteo 1:15

Te vānaŋa ena e kī ena: a Ietū Kiritō i tuꞌu mai ai ki te ao mo haka eꞌa i te nuꞌu mai roto i te ūtuꞌa o te hara, he parautiꞌa, ꞌe te taŋata taꞌatoꞌa e haka noho i te rāua manaꞌu ꞌi ruŋa. ꞌE o te nuꞌu hara, ko au te ꞌata taparahi-taꞌata.

1 Timoteo 4:9

He parautiꞌa te meꞌe nei; e haka roŋo te taŋata taꞌatoꞌa.

1 Timoteo 6:3

Mo hāpī o te kope e tahi i te meꞌe kē ꞌe ꞌina he haŋa ki te hāpī parautiꞌa o te tātou Pūꞌoko Haka Tere ko Ietū Kiritō ꞌe ki te hāpī maꞌu e tātou,

2 Timoteo 1:13

Ana hāpī koe, e uꞌi e haka tano ki te hāpī iŋa parautiꞌa haka ꞌite atu era e au koia ko te haka moe ko te oho i te manaꞌu ꞌi ruŋa i a Ietū, ꞌe ko te haŋa ko te oho ki te rua ꞌo te ai ōꞌou ꞌa Ietū Kiritō.

2 Timoteo 2:2

E kimi koe hai ŋāŋata haka tano i te rāua meꞌe kī, ŋāŋata ꞌite takoꞌa mo hāpī i te rua. Ki a rāua koe ana haka ꞌite mo hāpī e rāua ki te tētahi i te hāpī parautiꞌa o ruŋa i a Ietū Kiritō haka ꞌite atu era e au ꞌi te hora hāpī ōꞌoku i te nuꞌu.

2 Timoteo 2:25

E ꞌite takoꞌa i te kī, hai māhatu maꞌitaki, i te hape o te nuꞌu taꞌe haka roŋo, koiꞌite ꞌi te riva rahi o te ꞌAtua, he huri i te rāua manaꞌu ki a ia, ꞌe he ꞌite i te parautiꞌa o ruŋa i a Ietū Kiritō,

2 Timoteo 3:14

ꞌE a koe, e maꞌu hio-hio te ŋā meꞌe hāpī atu era. Ko ꞌite ꞌana, paꞌi, e koe he parautiꞌa ꞌe ꞌa ꞌai i hāpī atu.

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

Tito 1:11

Te meꞌe haŋa he ꞌapi i te haha o te nuꞌu era; ko rahi ꞌā, paꞌi, te huaꞌai huri o te manaꞌu ꞌi te hape o te rāua hāpī. Te meꞌe haŋa o te nuꞌu pē rā he huhu i te kete o te rua.

Tito 2:1

ꞌE a koe, e Tito ē, ana hāpī i te nuꞌu taina, e haka tano ki te hāpī parautiꞌa o te ꞌAtua.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.

Meꞌe Haka Takeꞌa 2:25

Tāꞌaku meꞌe haŋa nō: ka haka moe ka oho nō i te kōrua manaꞌu ꞌi ruŋa i a au ꞌātā ki tōꞌoku hoki iŋa mai.

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.

Meꞌe Haka Takeꞌa 3:3

Ka manaꞌu koe ki te hāpī vaꞌai atu era koia ko hārui haka ꞌou i tuꞌu manaꞌu ki te ꞌAtua ꞌe ꞌai ka haꞌatura ka oho rō ki rā hāpī. Mo taꞌe aŋa ōꞌou pē ira, he tuꞌu atu a au pa he toke-toke haka ūtuꞌa i a koe ꞌi te hora ꞌina kai ꞌite hia e koe.