Tito 1:12 - Rapa Nui

¹² O te perofeta mau ꞌā e tahi o Kereta i kī: «Te nuꞌu o Kereta nuꞌu reo-reo, nuꞌu manu, rava kai ꞌe hupe-hupe».

Tito 1:12 ပူးပေါင်းရင်းမြစ်များ

Aŋa o te ꞌĀpōtoro 17:28

Hai ꞌAtua, paꞌi, a tātou e ora nei, e makenu nei ꞌe e ai nei ꞌi ruŋa i te henua. Pē nei te tētahi nuꞌu pāpaꞌi pātaꞌu-taꞌu o kōrua i kī ai: “He poki a tātou o te ꞌAtua”.

Aŋa o te ꞌĀpōtoro 2:11

tētahi he hūrio maꞌu i te rāua haka tere iŋa mai te poreko iŋa ꞌā ꞌe tētahi atu he nuꞌu oꞌo ki roto i te haka tere iŋa o te hūrio. ꞌE ꞌi roto takoꞌa te nuꞌu o Kereta ꞌe o Aravia. ¡ꞌE, ꞌī e ŋaroꞌa mai nei i te nuꞌu era e vānaŋa ꞌā o ruŋa i te meꞌe taꞌatoꞌa nui-nui aŋa e te ꞌAtua hai ꞌarero kē-kē vānaŋa e te nuꞌu o te kona nei!».

Aŋa o te ꞌĀpōtoro 27:12

ꞌI te taꞌe au o te ꞌuahu o rā kona mo noho o te pahī ꞌi te toŋa, te rahi raꞌa o te nuꞌu o ruŋa he manaꞌu i hau ꞌi te riva mo uꞌi i te rāveꞌa mo reva mai ira ki Fēnise, he ꞌuahu haka ꞌou e tahi o Kereta e pava rō ꞌā i te tokerau mo noho ꞌi ira ꞌi rā ŋā ꞌāvaꞌe.

Aŋa o te ꞌĀpōtoro 27:13

ꞌI te puhi mai o te tokerau koraꞌiti nō mai te pāꞌiŋa era o Ehipto, he manaꞌu ananake mo oho nō ꞌi tū ara era ki Fēnise. He reva ia te pahī he oho a te taha-taha ꞌā o Kereta.

Aŋa o te ꞌĀpōtoro 27:7

Ko rahi ꞌā te mahana koraꞌiti nō a mātou e oho era ꞌi te ai o te tokerau ꞌi muꞌa, ꞌe, aŋa riꞌa-riꞌa i vari ai ki muꞌa o te kona era ko Niro. ꞌI te ai ko te noho iŋa mai ꞌana te tokerau ꞌi muꞌa, he vari a mātou a muꞌa o Taramona ꞌe he haka vari tahi i te motu era ko Kereta.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

1 Timoteo 4:2

hāpī e te nuꞌu reo-reo riva a te haho ꞌā ꞌe taꞌe ŋaroꞌa haka ꞌou i te mamae ꞌi roto i a rāua ꞌo te aŋa i te meꞌe taꞌe tano.

Tito 1:5

E haŋu, i haka rē ai a au i a koe ꞌi te motu ena ko Kereta mo haka tī-tika ōꞌou i te meꞌe toe mo aŋa o nā, ꞌe mo uꞌi takoꞌa ōꞌou hai ŋāŋata mo pūꞌoko haka tere o te ŋā nūnaꞌa ena e haka moe ena i te manaꞌu ꞌi ruŋa i a Ietū o te kona taꞌatoꞌa o Kereta, pa he meꞌe kī atu era e au.

2 Pētero 2:12

Te nuꞌu nei pa he ꞌanimare taꞌe aŋi-aŋi e tahi meꞌe, ꞌanimare noho hai meꞌe ŋaroꞌa nō o te hakari, poreko mo ꞌa-ꞌaru mo tiŋaꞌi mo haka mate. Te nuꞌu nei he vānaŋa taꞌe tano nō te aŋa mo te meꞌe ꞌina he aŋi-aŋi e rāua ꞌe ka mate ena pa he ꞌanimare

2 Pētero 2:15

Ko oho ꞌana, paꞌi, a te ara kē mai te ara tī-tika o te ꞌAtua. Te meꞌe aŋa oho he meꞌe aŋa e te perofeta era ko ⌊Vārama⌋, poki ꞌa Vōtoro, ꞌi te hora haŋa mo aŋa i te meꞌe taꞌe tano mo ravaꞌa moni.