Tito 1:11 - Rapa Nui

¹¹ Te meꞌe haŋa he ꞌapi i te haha o te nuꞌu era; ko rahi ꞌā, paꞌi, te huaꞌai huri o te manaꞌu ꞌi te hape o te rāua hāpī. Te meꞌe haŋa o te nuꞌu pē rā he huhu i te kete o te rua.

Tito 1:11 ပူးပေါင်းရင်းမြစ်များ

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Ruka 20:40

ꞌI te huru o te pāhono iŋa o Ietū, ꞌina kai haŋa haka ꞌou rā nuꞌu mo ꞌui e tahi meꞌe.

Iovani 10:12

ꞌE te kope ꞌauhau mo ꞌauario i te māmoe taꞌe he taŋata hāpaꞌo māmoe parautiꞌa ꞌe taꞌe ꞌāꞌana rā ŋā māmoe. Ka takeꞌa era i te paiheŋa taehae, he hoa i te māmoe, he eꞌa he tere. ꞌE he rere ia e te paiheŋa, he ŋau i te māmoe ꞌe he huata te tētahi a te kona taꞌatoꞌa.

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

1 Timoteo 5:4

ꞌE mo ai tāꞌue te poki ꞌe te makupuna mo hāpaꞌo i rā hove, ko rāua te meꞌe raꞌe mo hāꞌūꞌū i a ia. Pē ira he haka hoki ki rā matuꞌa te haŋa vaꞌai era e ia ki a rāua. He meꞌe nei te meꞌe haŋa o te ꞌAtua.

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.

2 Timoteo 2:18

A rāua ko haka tapa ꞌana mai roto i te parautiꞌa hai kī o rāua: te ora iŋa haka ꞌou o tātou mai te mate ko ai era ꞌā, ꞌe pē ira e haka mira-mira e oho era i te manaꞌu o te tētahi nuꞌu haka moe i te manaꞌu ꞌi ruŋa i a Ietū.

2 Timoteo 3:6

O rāua, paꞌi, te nuꞌu oho ki hare era ki hare era ꞌe hai reo-reo e ravaꞌa ena mo haka tere i te ŋā viꞌe ꞌina he pūai o te manaꞌu, ꞌamo meꞌe rahi hara, ꞌe pohe ki te meꞌe taꞌe tano.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

Tito 1:9

Te kope nei e haka hio-hio i te manaꞌu ki te roŋo parautiꞌa o te ꞌAtua hāpī ki a ia, ki tano ai mo haka haŋu i te manaꞌu o te tētahi taŋata hai rā roŋo ꞌe mo haka takeꞌa ki te nuꞌu taꞌe haŋa ki te roŋo parautiꞌa he aha te hape o te rāua manaꞌu.

Tito 3:10

Mo haka topa kē-kē o te kope e tahi i te nuꞌu haka moe i te manaꞌu ꞌi ruŋa i a Ietū, e ture. Ana taꞌe haka roŋo atu, e ture haka ꞌou. ꞌE mo taꞌe haka roŋo mau atu ꞌā, ka haka eꞌa mai roto i te nuꞌu ena.