Tanatiako 5:3 - Rapa Nui

³ Te kōrua meꞌe piru ko para tahi ꞌana, ꞌe he mataꞌite te para o te kōrua nou-nou. ꞌE ꞌi te nou-nou o kōrua ka haka ūtuꞌa atu ena e te ꞌAtua, pa he kai iŋa ena e te para i te ꞌaurī, ꞌe pa he vera iŋa ena o te meꞌe ꞌi te ahi. Ko haꞌaputu ꞌana, paꞌi, kōrua i te taoꞌa ꞌi te ŋā mahana nei, he mahana hopeꞌa.

Tanatiako 5:3 ပူးပေါင်းရင်းမြစ်များ

Aŋa o te ꞌĀpōtoro 2:17

“ꞌI te ŋā mahana hopeꞌa era, i kī ai e te ꞌAtua, e vaꞌai rō e au i tōꞌoku Vārua Maitai ki te taŋata taꞌatoꞌa. Te ŋā poki o kōrua e haka ꞌite rō i te roŋo haka ꞌite e au ki a rāua, te ŋā poki ꞌāpī e takeꞌa rō i te meꞌe haka takeꞌa e au, ꞌe te nuꞌu korohuꞌa e moe vārua rō.

Rōmano 2:5

ꞌE, ꞌi tuꞌu pūꞌoko hio-hio, ꞌina koe he huri i tuꞌu manaꞌu ki te ꞌAtua. Nā koe e haꞌaputu e oho ꞌana i te riri o te ꞌAtua mōꞌou mo te mahana o te haka ūtuꞌa, he mahana mo tuꞌu mai ōꞌona mo kī i te ūtuꞌa tano mo te taŋata hara taꞌatoꞌa.

2 Timoteo 2:17

ꞌe te rāua hāpī taꞌe tano he ꞌata rahi he oho, pa he māui-ui kai i te hakari. He meꞌe nei te meꞌe i topa ki a Hīmēneo ararua ko Fireto.

2 Pētero 3:3

Te meꞌe raꞌe mo taꞌe rehu i a kōrua ko te meꞌe nei: ꞌi te ŋā mahana hopeꞌa era e ai rō te nuꞌu, te rāua noho iŋa hai meꞌe pohe nō e te hakari, ꞌe pa he haka meꞌe-meꞌe

Meꞌe Haka Takeꞌa 17:16

Tū manuꞌino era ia ꞌe tū ŋā tara era ōꞌona, te kī, tū ŋā ꞌariki era e hoꞌe ꞌahuru e maꞌu rō i te riri taparahi-taꞌata mo rā taiꞌo, e hiko tahi rō i tāꞌana meꞌe taꞌatoꞌa, e haka mārere-rere tahi rō, e kai rō i te kiko o tōꞌona hakari ꞌe e tutu tahi rō i a ia ꞌi roto i te ahi.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».