Tanatiako 5:14 - Rapa Nui

¹⁴ Mo māui-ui, e hāꞌaki ki te nuꞌu ko rāua te pūꞌoko haka tere o te kōrua nūnaꞌa taŋata ⌊haka moe i te manaꞌu⌋ ꞌi ruŋa i a Ietū mo pure mōꞌona koia ko paru ꞌiti-ꞌiti hai mōrī hai ꞌīŋoa o Ietū, he Pūꞌoko Haka Tere o tātou.

Tanatiako 5:14 ပူးပေါင်းရင်းမြစ်များ

Marko 16:18

Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Marko 6:13

ꞌE, takoꞌa, i haka eꞌa rō mai roto i te taŋata meꞌe rahi nō atu tātane, ꞌe meꞌe rahi nuꞌu māui-ui i paru ꞌiti-ꞌiti hai mōrī ꞌe i haka ora.

Aŋa o te ꞌĀpōtoro 11:30

Pē ira i aŋa ai, ꞌe he vaꞌai i tū tara era ki te rima o Verenāvē ararua ko Sauro mo maꞌu mo vaꞌai ki te nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū o Hūrea.

Aŋa o te ꞌĀpōtoro 14:23

He haꞌataꞌa ia e kuā Pauro, ꞌi te ŋā kona nei a to-toru, i te ŋāŋata mo pūꞌoko haka tere o te nūnaꞌa haka moe i te manaꞌu ꞌi ruŋa i a Ietū. He pure ꞌe he tapu i te kai koia ko rā nuꞌu taꞌatoꞌa. I oti era he ani e kuā Pauro ki a Ietū, he kope ꞌi ruŋa e haka moe tahi era i te manaꞌu, mo hāpaꞌo i a rāua.

Aŋa o te ꞌĀpōtoro 15:4

I tuꞌu era a Pauro ararua ko Verenāvē ki Hērutarema, he koa te nūnaꞌa taŋata haka moe i te manaꞌu ꞌi ruŋa i a Ietū, pē ira ꞌana te rāua nuꞌu pūꞌoko haka tere ꞌe te ꞌāpōtoro. He ꞌaꞌamu e kuā Pauro i te meꞌe taꞌatoꞌa aŋa e te ꞌAtua hai rāua ki te nuꞌu taꞌe he hūrio.

Aŋa o te ꞌĀpōtoro 28:8

Te matuꞌa tane o nei taŋata e moe rō ꞌana ꞌi ruŋa i te roꞌi, ko māui-ui ꞌā ꞌi te māui-ui he hū o te hakari ꞌe he hī. He oho e Pauro he uꞌi. He pure ia ki te ꞌAtua mo te ora o rā taŋata, he haka puā hai rima, ꞌe he ora rō ꞌai tōꞌona māui-ui.

Aŋa o te ꞌĀpōtoro 9:40

He haka eꞌa tahi e Pētero ki haho, ꞌe he tū-turi he pure. He uꞌi a ruŋa i tū viꞌe mate era he kī: «¡E Tavitā, ka eꞌa koe ki ruŋa!». He ꞌara te mata o tū viꞌe era. I takeꞌa era i a Pētero, he eꞌa ki ruŋa he noho.

Tito 1:5

E haŋu, i haka rē ai a au i a koe ꞌi te motu ena ko Kereta mo haka tī-tika ōꞌou i te meꞌe toe mo aŋa o nā, ꞌe mo uꞌi takoꞌa ōꞌou hai ŋāŋata mo pūꞌoko haka tere o te ŋā nūnaꞌa ena e haka moe ena i te manaꞌu ꞌi ruŋa i a Ietū o te kona taꞌatoꞌa o Kereta, pa he meꞌe kī atu era e au.