Tanatiako 5:13 - Rapa Nui

¹³ Mo ꞌati o te kope e tahi o roto i a kōrua, e pure. ꞌE mo koa, e hīmene e haꞌahana-hana ki te ꞌAtua.

Tanatiako 5:13 ပူးပေါင်းရင်းမြစ်များ

Māteo 26:30

He hīmene ia ananake mo haꞌahana-hana ki te ꞌAtua. I oti era he eꞌa a kuā Ietū he oho ki te Maꞌuŋa era o te ꞌŌrivo.

Ruka 22:44

ꞌI te rahi o te māui-ui ꞌi roto i te māhatu, ko ꞌata hau ꞌā e pure era, ꞌe ꞌai te nu-nui o te paꞌahia e toto rō ꞌā e viri era.]

Ruka 23:42

He kī haka ꞌou e tū kope era: —E Ietū, e manaꞌu koe ki a au ꞌi te hora o tuꞌu haka tere iŋa pa he ꞌariki.

1 Kōrinto 14:15

¿He aha ia te tātou meꞌe mo aŋa? He pure hai pūai o te Vārua Maitai, ꞌe he pure takoꞌa mo aŋi-aŋi e te taꞌatoꞌa. He hīmene hai pūai o te Vārua Maitai, ꞌe he hīmene takoꞌa hai hīmene mo aŋi-aŋi e te taꞌatoꞌa.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

Ēfeto 5:19

Pē ira he hīmene kōrua i te vānaŋa o te ꞌAtua aŋa mo hīmene, i te hīmene kati-kati mo te ꞌAtua, ꞌe i te meꞌe haka hīmene e te Vārua Maitai koia ko haꞌahana-hana hai māhatu ki te ꞌAtua.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

Tanatiako 5:10

Ka manaꞌu rā kōrua ki te ŋā perofeta era o muꞌa ꞌā: i haꞌaoromaꞌi i oho nō e tōtōā era e te taŋata ꞌo te vānaŋa hai ꞌīŋoa o te ꞌAtua. E haꞌaoromaꞌi kōrua, e te taina ē, pē ira.

Meꞌe Haka Takeꞌa 14:3

Rā meꞌe he ŋāŋata era e hoꞌe hānere maha ꞌahuru mā maha taꞌutini haꞌataꞌa era e te ꞌAtua mai roto i te taŋata taꞌatoꞌa o te ao, haka eꞌa era mai roto i te ūtuꞌa o te hara. E hīmene ꞌana i te hīmene ꞌāpī, hīmene ko rāua mau nō i ꞌite, ꞌi muꞌa o te kona pepe noho ꞌariki era, o te meꞌe ora era e hā ꞌe o tū ŋāŋata ra-rahi era.

Meꞌe Haka Takeꞌa 7:10

Taꞌatoꞌa e ohu pūai era: «¡A tātou i eꞌa nei mai roto i te ūtuꞌa o te hara ꞌe i ravaꞌa nei i te ora ꞌāpī ꞌina he hopeꞌa raꞌa hai ꞌAtua nei o tātou e noho mai nei ꞌi ruŋa i te pepe ꞌariki ꞌe hai Māmoe!».