Tanatiako 4:6 - Rapa Nui

⁶ ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

Tanatiako 4:6 ပူးပေါင်းရင်းမြစ်များ

Māteo 13:12

Te kope aŋi-aŋi ꞌe toꞌo mōꞌona i te parautiꞌa o te ꞌAtua he haka ꞌata aŋi-aŋi. ꞌE te kope ꞌina he toꞌo i rā meꞌe mōꞌona, ꞌātā ki te meꞌe ꞌiti-ꞌiti ꞌite e ia o ruŋa i te ꞌAtua ka toꞌo ena.

Māteo 23:12

Te kope haka paka, paꞌi, i a ia, pe muꞌa ka oho ena, e haka ka-kata ꞌe e haka haꞌamā rō. ꞌE te kope taꞌe haka paka i a ia, pe muꞌa ka oho ena e haka hōnui rō.

Ruka 1:52

Ko hiko ꞌana i te tōroꞌa ꞌariki mai te ꞌariki, ꞌe ko haka nui-nui ꞌā i te nuꞌu tōroꞌa kore.

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».