Tanatiako 4:16 - Rapa Nui

¹⁶ ꞌE a kōrua ko te haka paka iŋa ꞌana ꞌi te kōrua meꞌe aŋa. Te vānaŋa iŋa pē nā vānaŋa iŋa taꞌe tano.

Tanatiako 4:16 ပူးပေါင်းရင်းမြစ်များ

1 Kōrinto 5:6

E ko tano kōrua mo teꞌo-teꞌo. E kī rō ꞌana, paꞌi: «E tahi ꞌapa ꞌiti-ꞌiti o te revaura he ahu tahi te haraoa». Pē ira takoꞌa ꞌana hai taŋata mau nō e tahi e hara nō meꞌe rahi nō atu nuꞌu.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

1 Iovani 2:16

ꞌo te ai pē nei ē: te meꞌe vaꞌai mai e te ao haka tere hai manaꞌu taŋata taꞌe mai te Matuꞌa i oho mai ai, mai te ao mau nei ꞌā. ꞌE ko te ŋā meꞌe nei te meꞌe vaꞌai e te ao: he pohe ki te meꞌe haŋa nō e te hakari, he pohe ki te meꞌe takeꞌa e te mata ꞌe he haka manaꞌu i te taŋata: i a ia mau nō te tano ꞌo te ai ōꞌona he ꞌono.

Meꞌe Haka Takeꞌa 18:7

Ka vaꞌai hai ꞌati ꞌe hai māui-ui ki roto i te ivi, pa he rahi o te teꞌo-teꞌo iŋa ōꞌona, ꞌe pa he rahi o te reka ꞌe o te koa ŋaroꞌa e ia ꞌi tōꞌona noho iŋa era ꞌina he meꞌe haŋa toe. Te viꞌe era he kī nō te aŋa ꞌi roto i tōꞌona māhatu: “A au e noho nei ꞌi te kona nei pa he ꞌariki; taꞌe a au he hove, ꞌe e ko topa mai te ꞌati ki a au”.