Tanatiako 3:4 - Rapa Nui

⁴ Pē ira takoꞌa ꞌā te pahī: ka ai atu he pahī hopeꞌa o te nui-nui ꞌe te tokerau haka makenu i a ia he tokerau hopeꞌa o te pūai, hai huira ꞌiti-ꞌiti e tahi e haka oho ena e te kope haka tere a te kona ꞌāꞌana i haŋa.

Tanatiako 3:4 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 8:24

E oho nō ꞌā he puhi pūai te tokerau, he ketu te pari ꞌe he haꞌamata he ꞌī te vaka e te vai. ꞌE a Ietū e haꞌuru ꞌā.

Aŋa o te ꞌĀpōtoro 27:11

Kai haka roŋo te kape o te vaꞌehau ki a Pauro. Ki te taŋata maꞌu i te huira ꞌe ki te taŋata era ōꞌona te pahī i haka roŋo ai.

Tanatiako 3:3

E manaꞌu rā kōrua ki te tāvaha: ka ai atu he meꞌe ꞌiti-ꞌiti e tahi, e ravaꞌa nō e tātou mo haka oho i te nui-nui ena o te hoi a te kona o tātou i haŋa.

Tanatiako 3:5

Pē ira te ꞌarero; he meꞌe ꞌiti-ꞌiti e tahi o te hakari, ꞌe, ka ai atu pē ira, e ravaꞌa nō mo aŋa i te meꞌe hopeꞌa o te nui-nui. Te kona rahi o te tumu e vera tahi nō ꞌi te ahi hopeꞌa o te ꞌiti-ꞌiti.