Tanatiako 3:2 - Rapa Nui

² A tātou, te taŋata taꞌatoꞌa e hape rahi rō ꞌā. ꞌE mo ai tāꞌue o te kope taꞌe hape ꞌi tāꞌana meꞌe kī, he taŋata ꞌina e tahi hape ia ꞌi muꞌa o te ꞌAtua ꞌe he taŋata ꞌite mo haka noho i a ia ꞌo hara.

Tanatiako 3:2 ပူးပေါင်းရင်းမြစ်များ

Māteo 12:34

¡E te huaꞌai o te kōreha veneno ē! ¿Pē hē kōrua, te nuꞌu aŋa i te meꞌe taꞌe tano, ana kī i te meꞌe riva-riva? Hai meꞌe rahi o roto i te māhatu, te haha e vānaŋa ena.

Māteo 12:37

Hai taꞌa vānaŋa mau ꞌā ka ture atu ena pē nei ē: ko hape ꞌana koe ꞌo ꞌina koe kai hape».

Rōmano 3:10

Pē nei e kī ena ꞌi ruŋa i te Pāpaꞌi Moꞌa: «ꞌIna e tahi kope tano ki te mata o te ꞌAtua.

Rōmano 7:21

Hora nei ko aŋi-aŋi ꞌana e au: ka haŋa atu a au mo aŋa i te meꞌe riva-riva, te meꞌe ravaꞌa nō mo aŋa he meꞌe rake-rake.

1 Kōrinto 9:27

ꞌIna a au he haꞌatiꞌa mo haka tere mai i a au e tōꞌoku hakari; ꞌāꞌaku te haka tere ꞌo viri a au ki roto i te meꞌe taꞌe tano pohe e tōꞌoku hakari ꞌe ꞌo taꞌe ravaꞌa e au, e te kope hāpī i te rua, i te meꞌe vaꞌai e te ꞌAtua.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Karatia 5:17

Te meꞌe taꞌe tano pohe e te hakari meꞌe taꞌe haŋa o te Vārua Maitai. ꞌE te meꞌe haŋa ꞌāꞌana mo aŋa e tātou taꞌe he meꞌe taꞌe tano pohe e te hakari. Te ŋā meꞌe nei ararua e tātake rō ꞌā ꞌi roto i a tātou. ꞌO ira a tātou e taꞌe ravaꞌa ena mo aŋa i te meꞌe haŋa mau era mo aŋa.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

ꞌEvereo 13:21

e haka riro i a kōrua he taŋata riva, tano i te meꞌe taꞌatoꞌa, mo aŋa i tāꞌana meꞌe haŋa. ꞌE māꞌana takoꞌa e aŋa ꞌi ruŋa i a tātou tāꞌana meꞌe nō era i haŋa hai Ietū Kiritō. ¡Ki haꞌahana-hana tātou ki a Ietū Kiritō ꞌātā ki te hopeꞌa raꞌa! Ka ai pē ira.

Tanatiako 1:26

Te taŋata kī he taŋata pure ꞌAtua a ia ꞌe ꞌina he haka rehe i tōꞌona ꞌarero, e reo-reo ꞌana ki a ia ꞌā, ꞌe te meꞌe aŋa ꞌāꞌana mo te ꞌAtua ꞌina e tahi hauhaꞌa.

Tanatiako 1:4

E haꞌaoromaꞌi e oho kōrua hai pūai ꞌi te ꞌati, ki ai ai kōrua he nuꞌu haka moe parautiꞌa i te manaꞌu ꞌi ruŋa i te ꞌAtua ꞌe nuꞌu aŋa i te meꞌe tī-tika ki tōꞌona mata ki te roa ꞌina e tahi hape mo tuhi iŋa atu.

Tanatiako 2:10

Te kope haꞌatura oho ia ki te haka tere iŋa o te ꞌAtua, mo hape ꞌi te meꞌe nō e tahi, ko hape ꞌā ki te haka tere iŋa taꞌatoꞌa o te ꞌAtua.

1 Pētero 3:10

Pē nei e kī ena ꞌi ruŋa i te ⌊Pāpaꞌi Moꞌa⌋: «Te kope haŋa mo riva-riva ꞌe mo koa o tōꞌona noho iŋa ꞌi te ao nei, e ꞌite mo haka noho i tōꞌona ꞌarero ꞌo vānaŋa i te meꞌe taꞌe tano, ꞌe ꞌo kī i te reo-reo.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,