Tanatiako 3:18 - Rapa Nui

¹⁸ Te nuꞌu aŋa mo ai o te haumārū ꞌi ruŋa i te henua te meꞌe ꞌoka he haumārū. ꞌE ꞌi te hora hopeꞌa te meꞌe ravaꞌa he meꞌe tano ki te mata o te ꞌAtua.

Tanatiako 3:18 ပူးပေါင်းရင်းမြစ်များ

Māteo 5:9

Ko te koa i te nuꞌu aŋa mo ai o te haumārū ꞌi roto i te taŋata; e kī rō e te nuꞌu he ŋā poki o te ꞌAtua.

Iovani 4:36

»Te nuꞌu kato i te kai e ꞌauhau rō ꞌā, ꞌe te kai kato era he ravaꞌa e rāua i te ora ꞌāpī ꞌina he hopeꞌa raꞌa. Pē ira te nuꞌu ꞌoka (te auraꞌa, te nuꞌu haka ꞌite i te vānaŋa o te ꞌAtua) ka koa ena ananake ko te nuꞌu o rāua i kato i te nuꞌu ⌊haka moe i te manaꞌu⌋ ꞌi ruŋa i a au.

Karatia 6:8

Te kope ꞌoka, paꞌi, i te meꞌe pohe nō e te hakari, te meꞌe mo ravaꞌa he ūtuꞌa o te hara he mate; ꞌe te kope ꞌoka i te meꞌe haŋa e te Vārua Maitai, he ora ꞌāpī ꞌina he hopeꞌa raꞌa.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

ꞌEvereo 12:11

ꞌIna e tahi ūtuꞌa au ꞌi te hora o te haka ūtuꞌa; te meꞌe mo ŋaroꞌa e koe he mamae. Ka ai atu pē ira, mo ravaꞌa ōꞌou mo haka tī-tika i tuꞌu haka tere iŋa hai rā ūtuꞌa, he ravaꞌa ia e koe te noho iŋa tano ꞌi roto i te haumārū.

Tanatiako 1:20

Te taŋata riri, paꞌi, e ko tano mo aŋa i te meꞌe tī-tika ki te mata o te ꞌAtua.