Tanatiako 3:16 - Rapa Nui

¹⁶ Te kona ai o te nou-nou, ꞌe o te haŋa mo raꞌe ꞌi te meꞌe taꞌatoꞌa, ꞌi ira e ai ena te mira-mira ꞌe rauhuru atu meꞌe taꞌe tano.

Tanatiako 3:16 ပူးပေါင်းရင်းမြစ်များ

Marko 3:25

ꞌe te huaꞌai moto ki a rāua ꞌā e ko roa he haꞌataꞌa.

Aŋa o te ꞌĀpōtoro 19:29

Kai roa he ꞌite te nuꞌu taꞌatoꞌa o rā kona o ruŋa i tū meꞌe era ꞌe he mira-mira rō atu ꞌai te manaꞌu. He ꞌa-ꞌaru ia i a Kāio ararua ko Aritarako, he ŋāŋata o Mātērōnia oho ꞌi muri i a Pauro, he to-toi he oho ki te kona nui-nui e tahi aŋa mo taka-taka o te taŋata.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

1 Kōrinto 14:33

Te ꞌAtua, paꞌi, taꞌe he ꞌAtua o te meꞌe mira-mira; tāꞌana meꞌe haŋa he meꞌe tī-tika ꞌe he haumārū. ꞌI te hora taka-taka mo haꞌamuri ki te ꞌAtua, ꞌina ko haꞌatiꞌa i te ŋā viꞌe mo vānaŋa. Pē ira te haka tere iŋa o te nūnaꞌa taŋata taꞌatoꞌa haka moe i te manaꞌu ꞌi ruŋa i a Ietū. Te ŋā viꞌe e haꞌatura ki te rāua kenu, pa he meꞌe hāꞌaki ꞌi ruŋa i te ⌊haka tere iŋa ꞌa Mōtē⌋.

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

1 Iovani 3:12

ꞌIna ko ai tātou pē ⌊Kāiŋa⌋. A ia ꞌa Rukifero, ꞌe i tiŋaꞌi i haka mate ai i tōꞌona taina. ¿ꞌO te aha i tiŋaꞌi ai i tōꞌona taina? ꞌO te ai te meꞌe aŋa o tōꞌona taina he meꞌe riva-riva ꞌe tāꞌana meꞌe aŋa he meꞌe taꞌe tano.