Tanatiako 3:14 - Rapa Nui

¹⁴ ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

Tanatiako 3:14 ပူးပေါင်းရင်းမြစ်များ

Māteo 27:18

A Pirato, paꞌi, ko ꞌite ꞌā i vaꞌai ai i a Ietū ki a ia e tū nuꞌu ra-rahi era o te hūrio he mākota ꞌo te ai e haka roŋo rō ꞌā e te taŋata.

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Aŋa o te ꞌĀpōtoro 13:45

I takeꞌa era e te hūrio ra-rahi i te rahi o te taŋata, he mākota. He haꞌamata ia he vā-vā ꞌe he kī he reo-reo te vānaŋa ꞌa Pauro.

Aŋa o te ꞌĀpōtoro 26:9

»E manaꞌu era a au ꞌi muꞌa ꞌā: te aŋa i te meꞌe taꞌe tano ki te nuꞌu ⌊haka moe i te manaꞌu⌋ ꞌi ruŋa i a Ietū o Nātāreta he meꞌe mau ꞌā ꞌāꞌaku mo aŋa,

Aŋa o te ꞌĀpōtoro 5:17

Te ⌊oromatuꞌa hopeꞌa o te ra-rahi⌋ ꞌe te nuꞌu ⌊saruseo⌋ o muri i a ia, ꞌi te mākota,

Aŋa o te ꞌĀpōtoro 7:9

»Te ŋā poki raꞌe ꞌa Hākovo, ꞌi te mākota ꞌi te rāua taina ko ⌊Kōsē⌋, he toꞌo mai he hoꞌo ki te nuꞌu mo ꞌekaravo, ꞌe he maꞌu e rā nuꞌu ki Ehipto. ꞌE, ꞌi te ai ꞌi ruŋa i a Kōsē te mata o te ꞌAtua,

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

Rōmano 2:17

A koe, pa he hūrio, e kī ena e haka moe rō ꞌana koe i tuꞌu manaꞌu ꞌi ruŋa i te haka tere iŋa ꞌa Mōtē. E haka paka ena koe ꞌo te ai he nuꞌu haꞌataꞌa e te ꞌAtua māꞌana,

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

1 Kōrinto 13:4

Te kope haka tere i a ia hai haŋa parautiꞌa e ꞌite rō ꞌā i te haꞌaoromaꞌi. A ia he taŋata riva, taꞌe fiꞌiꞌi, taꞌe teꞌo-teꞌo, taꞌe manaꞌu i hau rō atu a ia ki te rua,

1 Kōrinto 3:3

Ko te manaꞌu iŋa ꞌana kōrua pa he taŋata o te ao taꞌe ⌊haka moe i te manaꞌu⌋ ꞌi ruŋa i a Ietū. Hai mākota ꞌe hai tātake e takeꞌa ena ko te manaꞌu iŋa ꞌana kōrua hai manaꞌu taŋata, ꞌe o rā manaꞌu te haka tere i a kōrua.

1 Kōrinto 5:2

Ka ai atu pē ira, ko te teꞌo-teꞌo iŋa ꞌā a kōrua pē nei ē: ko ꞌite riva-riva ꞌana a kōrua i te meꞌe o te ꞌAtua. Te tano mau: e māui-ui te kōrua māhatu ꞌi te meꞌe tuꞌu pē nā. Te taŋata aŋa i te meꞌe tuꞌu pē nei e haka eꞌa mai roto i a kōrua.

1 Kōrinto 5:6

E ko tano kōrua mo teꞌo-teꞌo. E kī rō ꞌana, paꞌi: «E tahi ꞌapa ꞌiti-ꞌiti o te revaura he ahu tahi te haraoa». Pē ira takoꞌa ꞌana hai taŋata mau nō e tahi e hara nō meꞌe rahi nō atu nuꞌu.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:15

ꞌE, mo moto ꞌe mo tātake ꞌi roto i a kōrua, e uꞌi ꞌo kore rō te kōrua haŋa pa he taina ꞌe ꞌo haka tapa rō te kōrua manaꞌu mai ruŋa i a Ietū.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

Karatia 5:26

ꞌI roto i a tātou, ꞌina ko manaꞌu i hau rō atu tātou ki te rua, ꞌina ko haka tātake i te kope e tahi ki te rua ꞌe ꞌina ko mākota.

Karatia 6:13

Te parautiꞌa, ꞌina e tahi nuꞌu haꞌatura ki te roŋo taꞌatoꞌa o te ⌊haka tere iŋa ꞌa Mōtē⌋, ꞌātā te nuꞌu hore i te kiri o te kinoŋa. E haŋa ena a rāua mo hore o kōrua i te kiri o te kinoŋa mo teꞌo-teꞌo pē nei ē: ko ravaꞌa ꞌana ꞌō e rāua mo maꞌu e kōrua i te tāpaꞌo ena ꞌi ruŋa i te kōrua hakari.

Fīripo 1:15

Ko ꞌite ꞌana e au e ai rō ꞌana te nuꞌu haka ꞌite o ruŋa i a Ietū he mākota ꞌe he haŋa mo ai ꞌata hau rō atu rāua ki a au, ꞌe e ai takoꞌa rō ꞌā te nuꞌu haka ꞌite o ruŋa hai manaꞌu riva-riva.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Timoteo 2:4

A ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. E haŋa takoꞌa rō ꞌana te ꞌAtua mo ꞌite o te taŋata i te hāpī parautiꞌa pē nei ē:

1 Timoteo 6:4

te kope nei ia he kope manaꞌu i a ia nō te tano, ꞌe te parautiꞌa mau, ꞌina e tahi ꞌāꞌana meꞌe i ꞌite. Pa he māui-ui e tahi ōꞌona te haka tumu i te tātake o ruŋa i te meꞌe hauhaꞌa-ꞌore. Pē ira he poreko te mākota, te taꞌe au, te vā-vā, te manaꞌu ꞌino,

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

Tanatiako 3:16

Te kona ai o te nou-nou, ꞌe o te haŋa mo raꞌe ꞌi te meꞌe taꞌatoꞌa, ꞌi ira e ai ena te mira-mira ꞌe rauhuru atu meꞌe taꞌe tano.

Tanatiako 5:19

E te taina, mo oho kē o te kope e tahi o roto i a kōrua mai te ara o te parautiꞌa ꞌe o te rua i haka hoki mai,