Tanatiako 3:1 - Rapa Nui

¹ E te taina, taꞌe taꞌatoꞌa o kōrua mo maꞌori hāpī. E ꞌite rō ꞌā, paꞌi, kōrua: ꞌata hau te paŋahaꞌa o te ture o te ꞌAtua mo mātou mo te nuꞌu haka ꞌite i tāꞌana vānaŋa ki te tētahi nuꞌu.

Tanatiako 3:1 ပူးပေါင်းရင်းမြစ်များ

Māteo 10:24

»Te kope e hāpī ꞌā taꞌe ꞌata hau ki tōꞌona maꞌori hāpī, ꞌe te tāvini taꞌe ꞌata hau ki te taŋata haka aŋa i a ia.

Māteo 23:13

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E puru rō ꞌana kōrua i te ꞌōpani ꞌo oꞌo te taŋata ki roto i te ⌊haka tere iŋa ꞌāpī o te ꞌAtua⌋. ꞌE a kōrua mau ena ꞌā ꞌina he oꞌo, ꞌe ꞌina he haka rē mo oꞌo i te nuꞌu haŋa mo uru. [

Māteo 23:14

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E hiko ena kōrua i te hare o te ŋā viꞌe hove, ꞌe mo haka tuꞌu he meꞌe taꞌe ꞌati, he haka roa-roa e kōrua i te kōrua pure mo takeꞌa e te taŋata. ꞌO ira, ꞌata paŋahaꞌa te ūtuꞌa ka topa ena ꞌi ruŋa i a kōrua.]

Māteo 9:11

I takeꞌa era i rā meꞌe e te ⌊fariseo⌋, he ꞌui ki te nuꞌu hāpī ꞌa Ietū: —¿He aha te kōrua maꞌori e kai ena ananake ko te nuꞌu haka ꞌauhau i te taŋata hai moni mo te rōmano ꞌe ananake ko te tētahi haka ꞌou atu nuꞌu hara?

Ruka 16:2

»He uŋa e rā taŋata ki tū tāvini era mo oho ꞌe he ꞌui: “¿He aha te meꞌe kī mai nei e te nuꞌu o ruŋa ōꞌou? Ka haka ꞌite tahi mai pē hē koe i haka tere ai i tōꞌoku hauhaꞌa. E ko aŋa haka ꞌou e koe i te aŋa era”.

Ruka 6:37

»ꞌIna ko manaꞌu: i a kōrua te parau mo kī i te tano ꞌe i te taꞌe tano o te meꞌe aŋa e te rua, ꞌo kī takoꞌa atu e te ꞌAtua i te tano ꞌe i te taꞌe tano o te kōrua meꞌe aŋa. ꞌIna ko manaꞌu: te meꞌe tano mo te rua he ūtuꞌa o te ꞌAtua, ꞌo kī rō atu e te ꞌAtua mo kōrua. E haka rehu te hape o te rua ki haka kore ai e te ꞌAtua i te kōrua hape.

Iovani 3:10

He pāhono e Ietū: —¿He maꞌori koe o te itaraera ꞌe kai ꞌite koe i te ŋā meꞌe ena?

Aŋa o te ꞌĀpōtoro 13:1

ꞌI roto i te nūnaꞌa taŋata o Antiokia ⌊haka moe i te manaꞌu⌋ ꞌi ruŋa i a Ietū te perofeta ꞌe te maꞌori hāpī: ko Verenāvē, ko Tīmona, kī takoꞌa ko ꞌUri-ꞌuri, ko Rūtio o Tīrene, ko Sauro, ꞌe ko Menaheme, hāŋai e te matuꞌa o ⌊ꞌErore Antipa⌋. (O te ꞌErore nei te haka tere a Karirea).

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

1 Timoteo 1:7

E haŋa rō ꞌā a rāua mo riro he maꞌori hāpī o te ⌊haka tere iŋa ꞌa Mōtē⌋, ka ai atu ꞌina he aŋi-aŋi riva-riva o ruŋa i te meꞌe kī ꞌe hāpī e rāua pa he nuꞌu ꞌite.

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.

2 Timoteo 1:11

Te ꞌAtua ko kī mai ꞌana mo haka ꞌite ōꞌoku i te roŋo nei, ꞌe ko uŋa ꞌana i a au pa he ꞌāpōtoro ꞌe pa he maꞌori.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

Tanatiako 1:16

E te mau taina haŋa rahi ōꞌoku ē, e ꞌite kōrua pē nei ē:

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 3:10

Mai roto i tū haha ꞌana e eꞌa ena te vānaŋa mo haꞌahana-hana i te ꞌAtua ꞌe pē ira ꞌā te vānaŋa taꞌe tano mo te rua taŋata. Te meꞌe nei ꞌina ko ai pē ira, e te taina ē.

1 Pētero 5:3

ꞌIna ko manaꞌu: o kōrua rā māmoe haka hāpaꞌo atu era. Te meꞌe mo aŋa he haka takeꞌa ki a rāua pē hē a rāua ana haka tere hai haka tere iŋa tano ena o kōrua.