Tanatiako 2:5 - Rapa Nui

⁵ Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

Tanatiako 2:5 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Māteo 5:3

«Ko te koa i te nuꞌu ꞌite taꞌe i a rāua mau nō te rāua ora; i te nuꞌu nei te haka tere iŋa ꞌāpī o te ꞌAtua.

Marko 7:14

I oho era he raŋi e Ietū ki te nuꞌu mo haka taka-taka ꞌe he kī: «Ka haka roŋo tahi mai kōrua ꞌe e aŋi-aŋi tāꞌaku vānaŋa ka kī atu ena:

Ruka 12:21

»Pē ira e topa ena ki te taŋata haꞌaputu mōꞌona mau nō i te hauhaꞌa ꞌe ꞌina he manaꞌu ki te meꞌe haŋa o te ꞌAtua».

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Ruka 16:22

»He tuꞌu ki te mahana e tahi he mate tū ꞌōtare era, he maꞌu e te merahi ki te raŋi ki muri i a ⌊ꞌAparahama⌋. He mate takoꞌa tū taŋata ꞌono era. He maꞌu he tanu, ꞌe ꞌi roto i te pōꞌauahi i hopeꞌa ai. ꞌE mai roto i rā ꞌati i hārui ai te mata, he uꞌi ko ꞌAparahama ꞌi kōnui era, ꞌe ꞌi muri e noho rō ꞌā a Rātaro.

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 22:29

ꞌO ira, pa he haka tōroꞌa iŋa mai e tōꞌoku Matuꞌa mo haka tere pa he ꞌariki, ꞌī a au he haka tōroꞌa i a kōrua

Ruka 6:20

He uꞌi a Ietū a ruŋa i tāꞌana nuꞌu hāpī ꞌe he kī: «Ko te koa i a kōrua, e te nuꞌu veve manaꞌu pē nei ē: ꞌina e tahi kōrua auraꞌa mo kore o te ꞌAtua; a kōrua o roto i te ⌊haka tere iŋa ꞌāpī o te ꞌAtua⌋.

Iovani 7:48

¿E ai rō ꞌana ꞌō e tahi o te nuꞌu ra-rahi ꞌe o te fariseo i haka moe i te manaꞌu ꞌi ruŋa i a ia?

Aŋa o te ꞌĀpōtoro 7:2

He pāhono e ꞌĒteva: —E te taina ē, e kuā koro ē, ka haka roŋo mai rā: Te tātou ꞌAtua, i a ia te ꞌana-ꞌana o te pūai taꞌatoꞌa, ko haka takeꞌa ꞌana i a ia ki te tātou tupuna ko ⌊ꞌAparahama⌋ ꞌi Mētōpōtāmia, ꞌi te hora kai oho kai noho ꞌā a ꞌAparahama ꞌi Hārana,

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

2 Kōrinto 4:15

Te haꞌaoromaꞌi o mātou i te ꞌati taꞌatoꞌa he meꞌe mo te riva-riva o kōrua, ꞌe mo ꞌata rahi mo oho o te nuꞌu ⌊haka moe i te manaꞌu⌋ ꞌi ruŋa i a Ietū, he ꞌite o ruŋa i te riva rahi o te ꞌAtua. Pē ira ka rahi ka oho ena te nuꞌu māuru-uru ꞌe haꞌahana-hana ki te ꞌAtua.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Ēfeto 1:18

ꞌE e ani takoꞌa rō ꞌana a au ki a ia mo haka māꞌeha atu i te kōrua manaꞌu, ki ꞌite ai kōrua he aha te meꞌe ꞌāꞌana mo kōrua pe muꞌa ka oho ena ꞌo te ai o kōrua he nuꞌu haꞌataꞌa māꞌana, ꞌe ki ꞌite takoꞌa ai kōrua i te rahi ꞌe i te nui-nui o te meꞌe hōrea e ia mo tāꞌana nuꞌu,

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

2 Tētārōnika 1:5

Hai haꞌaoromaꞌi iŋa o kōrua i te meꞌe taꞌatoꞌa ena, e ꞌite nei a mātou: a kōrua ko haka moe mau ꞌana i te manaꞌu ꞌi ruŋa i a Ietū ꞌe he nuꞌu mau ꞌā ꞌāꞌana. ꞌE, ꞌi te ꞌite o tātou pē nei ē: te ꞌAtua, he ꞌAtua aŋa i te meꞌe tī-tika, e ꞌite takoꞌa nei: pe muꞌa ka oho ena, e aŋa takoꞌa rō te ꞌAtua i te ŋā meꞌe nei: e kī rō he nuꞌu tano kōrua mo noho, ꞌina he hopeꞌa raꞌa, ꞌi tōꞌona kona haka tere, ꞌo te haka moe i te manaꞌu ꞌi ruŋa i a Ietū,

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 1:16

E te mau taina haŋa rahi ōꞌoku ē, e ꞌite kōrua pē nei ē:

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 1:9

Te taina veve haka moe i te manaꞌu ꞌi ruŋa i a Ietū e koa ꞌo te ai i a ia te hauhaꞌa parautiꞌa o te ꞌAtua.

1 Pētero 1:4

ꞌe e vaꞌai rō mai i te meꞌe hāpaꞌo mo tātou ꞌi ruŋa i te raŋi, he meꞌe e ko kore, e ko tāpau ꞌe e ko mae-mae ki te hora hopeꞌa.

2 Pētero 1:11

ꞌe te ꞌAtua, hai koa, ka haka uru ena i a kōrua ki roto i te ao ꞌina he hopeꞌa raꞌa, he ao haka tere e te tātou Pūꞌoko ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Meꞌe Haka Takeꞌa 2:9

‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.