Tanatiako 2:20 - Rapa Nui

²⁰ E te maꞌa-maꞌa ē, ka haka topa te manaꞌu: te haka moe iŋa i te manaꞌu ꞌi ruŋa i te ꞌAtua mo taꞌe haka takeꞌa hai meꞌe riva-riva aŋa, ꞌina e tahi hauhaꞌa.

Tanatiako 2:20 ပူးပေါင်းရင်းမြစ်များ

Rōmano 1:21

A rāua ko ꞌite ꞌana ko ai te ꞌAtua ꞌe, ka ai atu pē ira, ꞌina he moꞌa ꞌe ꞌina he māuru-uru. Te meꞌe manaꞌu nō he meꞌe maꞌa-maꞌa ꞌe, ꞌi te taꞌe haŋa mo haka topa riva-riva i te manaꞌu, ꞌina he aŋi-aŋi haka ꞌou i te parautiꞌa.

Rōmano 3:28

Pē ira a tātou i tuꞌu ai ki te roa: he tano te taŋata ꞌi muꞌa o te ꞌAtua hai haka moe i te manaꞌu ꞌi ruŋa i a Ietū, ꞌe taꞌe ꞌō hai haꞌatura ki te haka tere iŋa ꞌa Mōtē.

Rōmano 9:20

ꞌE, ¿ko ai a tātou te taŋata mo ꞌui iŋa ki te ꞌAtua o ruŋa i te meꞌe haŋa ꞌe aŋa e ia? ¿Ka kī ꞌō e tano rō mo kī e te pani aŋa hai ꞌōꞌone ki te kope aŋa i a ia pē nei ē: «¿He aha koe i aŋa mai ai i a au pē nei?»?

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

1 Timoteo 1:6

ꞌE nā ko oho kē ꞌana te tētahi taŋata mai te ara parautiꞌa, ꞌe ꞌi roto i te tātake tahaŋa i ŋaro ai.

Tito 1:10

Te tumu o tāꞌaku vānaŋa taꞌatoꞌa nei, e Tito ē: rahi riꞌa-riꞌa te nuꞌu o roto i te nūnaꞌa taŋata haka moe i te manaꞌu ꞌi ruŋa i a Ietū ꞌina he haŋa haka ꞌou mo haka roŋo ꞌe mo haꞌatura ki te roŋo parautiꞌa. ꞌI roto i a rāua e ai rō ꞌana te ⌊hūrio⌋ e maꞌu nō ꞌā i te ⌊haka tere iŋa era ꞌa Mōtē⌋, ꞌe e hāpī rō ꞌā ki te nuꞌu pē nei ē: ꞌāmui ki te haka moe i te manaꞌu ꞌi ruŋa i a Ietū e hore takoꞌa te kiri o te kinoŋa. Te meꞌe nei taꞌe he parautiꞌa ꞌe ꞌina e tahi hauhaꞌa. Ka ai atu pē ira, meꞌe rahi nuꞌu e haka roŋo rō ꞌā ki a rāua.

Tanatiako 1:26

Te taŋata kī he taŋata pure ꞌAtua a ia ꞌe ꞌina he haka rehe i tōꞌona ꞌarero, e reo-reo ꞌana ki a ia ꞌā, ꞌe te meꞌe aŋa ꞌāꞌana mo te ꞌAtua ꞌina e tahi hauhaꞌa.

Tanatiako 2:17

Pē ira te haka moe iŋa o te manaꞌu ꞌi ruŋa i te ꞌAtua, mo taꞌe haka takeꞌa hai meꞌe riva-riva aŋa, ꞌina ōꞌona hauhaꞌa, pa he meꞌe mate ꞌā.

Tanatiako 2:26

Mo haka mao o te vānaŋa: te hakari mo kore rō o te vārua o roto he meꞌe mate. Pē ira takoꞌa ꞌana te haka moe i te manaꞌu ꞌi ruŋa i te ꞌAtua he meꞌe mate mo taꞌe haka takeꞌa hai meꞌe riva-riva aŋa.