Tanatiako 2:16 - Rapa Nui

¹⁶ ꞌe he kī e tahi o kōrua: «Ka oho riva-riva; e haka mahana koe, e kai ki te mākona», ꞌe ꞌina e tahi ꞌāꞌana meꞌe i vaꞌai mo te ꞌati o rā kope, ¿e hauhaꞌa rō ꞌā hō tāꞌana meꞌe kī era?

Tanatiako 2:16 ပူးပေါင်းရင်းမြစ်များ

Māteo 15:32

He raŋi e Ietū ki tāꞌana nuꞌu hāpī ꞌe he kī: —Ko haka ꞌaroha ꞌana a au i te nuꞌu nei. Ka toru mahana o rāua ꞌi muri i a tātou ꞌe ꞌina he meꞌe toe o rāua mo kai. Kai haŋa a au mo haka oho ki te rāua hare kai kai hia ꞌo re-rehu rō ꞌi te ara.

Māteo 25:35

I maruaki rō, paꞌi, a au he vaꞌai mai e kōrua hai kai; i pohe rō ki te vai, he vaꞌai mai e kōrua hai vai; i ai rō a au he taŋata o te rua henua ꞌina he kona mo noho, he toꞌo e kōrua ki roto i te kōrua hare.

Māteo 25:36

I noho rō a au ꞌina e tahi kahu mo uru, o kōrua i vaꞌai mai; i māui-ui rō, he oho atu kōrua he hāpaꞌo i a au; i puru rō ꞌi roto i te hare maꞌuꞌaurī, he oho takoꞌa atu kōrua he uꞌi i a au”.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

2 Kōrinto 8:8

Taꞌe a au e kī atu ena i te meꞌe nei pa he meꞌe mo haꞌatura mau ꞌā e kōrua. Mo riva o kōrua mo haꞌatura, ko tano ꞌā. Tōꞌoku haŋa mau mo uꞌi hoki he parautiꞌa mau ꞌana te kōrua haŋa mo te rua, pa he meꞌe i takeꞌa e au ꞌi te taina o Mātērōnia.