Tanatiako 2:13 - Rapa Nui

¹³ Te nuꞌu taꞌe haka ꞌaroha i te rua taŋata, pē ira takoꞌa ka taꞌe haka ꞌaroha ena i a rāua e te ꞌAtua ꞌi te hora o te ture hopeꞌa, ꞌe te nuꞌu haka ꞌaroha i te rua taŋata, e ko riꞌa-riꞌa ꞌi rā hora.

Tanatiako 2:13 ပူးပေါင်းရင်းမြစ်များ

Māteo 5:7

Ko te koa i te nuꞌu e haka ꞌaroha rō ꞌana i te rua; e haka ꞌaroha takoꞌa rō te ꞌAtua i a rāua.

Māteo 6:15

ꞌE mo taꞌe haka rehu o kōrua i te meꞌe taꞌe tano aŋa atu e te rua, e ko haka rehu takoꞌa e te kōrua Matuꞌa i te kōrua hara.

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 6:37

»ꞌIna ko manaꞌu: i a kōrua te parau mo kī i te tano ꞌe i te taꞌe tano o te meꞌe aŋa e te rua, ꞌo kī takoꞌa atu e te ꞌAtua i te tano ꞌe i te taꞌe tano o te kōrua meꞌe aŋa. ꞌIna ko manaꞌu: te meꞌe tano mo te rua he ūtuꞌa o te ꞌAtua, ꞌo kī rō atu e te ꞌAtua mo kōrua. E haka rehu te hape o te rua ki haka kore ai e te ꞌAtua i te kōrua hape.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

Tanatiako 5:4

Te nuꞌu kato i te kōrua kai ꞌe te moni taꞌe ꞌauhau ki a rāua ꞌī e tuhi ꞌana i te kōrua hape, ꞌe te ꞌAtua, i a ia te pūai taꞌatoꞌa, ko ŋaroꞌa ꞌana i te rāua ture.