Tanatiako 2:10 - Rapa Nui

¹⁰ Te kope haꞌatura oho ia ki te haka tere iŋa o te ꞌAtua, mo hape ꞌi te meꞌe nō e tahi, ko hape ꞌā ki te haka tere iŋa taꞌatoꞌa o te ꞌAtua.

Tanatiako 2:10 ပူးပေါင်းရင်းမြစ်များ

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 5:3

ꞌE ꞌī a au he kī haka ꞌou atu: te kope hore i te kiri o te kinoŋa e haꞌatura ia ki te roŋo taꞌatoꞌa o ruŋa i te haka tere iŋa ꞌa Mōtē.

Tanatiako 3:2

A tātou, te taŋata taꞌatoꞌa e hape rahi rō ꞌā. ꞌE mo ai tāꞌue o te kope taꞌe hape ꞌi tāꞌana meꞌe kī, he taŋata ꞌina e tahi hape ia ꞌi muꞌa o te ꞌAtua ꞌe he taŋata ꞌite mo haka noho i a ia ꞌo hara.

2 Pētero 1:10

ꞌO ira, e te taina ē, e vaꞌai tahi kōrua i a kōrua mo tano o te kōrua noho iŋa ki te mata o te ꞌAtua, ki takeꞌa ai e te nuꞌu: he parautiꞌa mau ꞌā a kōrua he nuꞌu haꞌataꞌa e te ꞌAtua māꞌana mo haka moe i te manaꞌu ꞌi ruŋa i a Ietū. Mo aŋa o kōrua pē ira, e ko haka tapa kōrua mai te ara parautiꞌa ki te hora hopeꞌa,

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.