Tanatiako 1:26 - Rapa Nui

²⁶ Te taŋata kī he taŋata pure ꞌAtua a ia ꞌe ꞌina he haka rehe i tōꞌona ꞌarero, e reo-reo ꞌana ki a ia ꞌā, ꞌe te meꞌe aŋa ꞌāꞌana mo te ꞌAtua ꞌina e tahi hauhaꞌa.

Tanatiako 1:26 ပူးပေါင်းရင်းမြစ်များ

Māteo 15:9

ꞌE te rāua haꞌamuri iŋa mai ꞌina e tahi hauhaꞌa; e hāpī rō ꞌana, paꞌi, i te meꞌe taŋata pa he roŋo ꞌāꞌaku”.

Marko 7:7

ꞌE te rāua haꞌamuri iŋa mai ꞌina e tahi hauhaꞌa; e hāpī rō ꞌana, paꞌi, i te meꞌe taŋata pa he roŋo ꞌāꞌaku”.

Ruka 8:18

»ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

1 Kōrinto 15:15

ꞌe he riro mātou he mataꞌite reo-reo o te ꞌAtua. Ko kī ꞌana, paꞌi, a mātou ko haka ora ꞌana e ia i a Ietū mai te mate. ꞌE mo ai ꞌina te nuꞌu mate he ora haka ꞌou, taꞌe takoꞌa ia he parautiꞌa ko haka ora ꞌana e te ꞌAtua i te Kiritō.

1 Kōrinto 15:2

Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

Karatia 2:6

Te nuꞌu era ko rāua te pūꞌoko haka tere o ira kai takeꞌa e tahi hape o tāꞌaku meꞌe hāpī. (ꞌE ꞌina a au he tapa atu hoki a rāua he nuꞌu ra-rahi. Te ꞌAtua, paꞌi, ꞌi te hora e uꞌi ena i te tano ꞌe i te taꞌe tano o te meꞌe aŋa e te taŋata, ꞌina he tapa atu hoki he taŋata ra-rahi ꞌo he taŋata taꞌe ra-rahi; mōꞌona pē tū huru tahi ꞌā te taŋata).

Karatia 2:9

I aŋi-aŋi era e ⌊Tanatiako⌋, e Pētero ꞌe e ⌊Iovani⌋, pūꞌoko haka tere o te nuꞌu haka moe i te manaꞌu ꞌi ruŋa i a Ietū o Hērutarema pē nei ē: o te ꞌAtua mau ꞌana i vaꞌai mai, hai riva rahi ōꞌona, i te aŋa nei ki a au, he vaꞌai mai ia e kuā Pētero i te rāua rima mo haka takeꞌa mai ki a māua ko Verenāvē: a māua he hokorua takoꞌa o rāua ꞌi te aŋa o te ꞌAtua, ꞌe e tano rō ꞌana ki a rāua mo oho o māua mo aŋa ꞌi roto o te nuꞌu taꞌe he hūrio, ꞌe ko rāua mo haka ꞌite mo oho ki te nuꞌu hūrio.

Karatia 3:4

¿Ka kī ꞌō te meꞌe riva-riva taꞌatoꞌa topa atu era ki a kōrua mai te hora haka moe i te manaꞌu ꞌi ruŋa i a Ietū, ꞌina e tahi hauhaꞌa mo kōrua? ¡Pē hiva ꞌā ana taꞌe ai pē ira!

Karatia 6:3

Mo manaꞌu o te kope e tahi ꞌina a ia e ko tano mo hāꞌūꞌū i te rua ꞌi te meꞌe era ꞌata hau rō atu a ia ki rā kope, he meꞌe taꞌe he parautiꞌa, e reo-reo ꞌana ki a ia mau ꞌā.

Ēfeto 4:29

ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Ēfeto 5:4

ꞌIna kōrua ko vānaŋa i te meꞌe hano-hano, ꞌina ko kī i te vānaŋa maꞌa-maꞌa ꞌe i te vānaŋa ꞌi-ꞌino. Te meꞌe o kōrua mo aŋa he haꞌahana-hana i te ꞌAtua.

Kōrosa 4:6

Ana vānaŋa hai koa ꞌe e reka rō ꞌana, ki haka roŋo atu ai. ꞌE e ꞌite takoꞌa kōrua mo pāhono riva-riva i te rāua ꞌui o ruŋa i a Ietū.

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 1:22

ꞌE taꞌe nō e haka roŋo i rā roŋo; e aŋa takoꞌa i te meꞌe era e kī atu era. Mo taꞌe aŋa pē ira, e reo-reo ꞌana kōrua ki a kōrua ꞌā.

Tanatiako 2:20

E te maꞌa-maꞌa ē, ka haka topa te manaꞌu: te haka moe iŋa i te manaꞌu ꞌi ruŋa i te ꞌAtua mo taꞌe haka takeꞌa hai meꞌe riva-riva aŋa, ꞌina e tahi hauhaꞌa.

1 Pētero 3:10

Pē nei e kī ena ꞌi ruŋa i te ⌊Pāpaꞌi Moꞌa⌋: «Te kope haŋa mo riva-riva ꞌe mo koa o tōꞌona noho iŋa ꞌi te ao nei, e ꞌite mo haka noho i tōꞌona ꞌarero ꞌo vānaŋa i te meꞌe taꞌe tano, ꞌe ꞌo kī i te reo-reo.