Tanatiako 1:24 - Rapa Nui

²⁴ he takeꞌa i a ia, ꞌe i taha era, he rehu rō ꞌai pē hē tōꞌona huru.

Tanatiako 1:24 ပူးပေါင်းရင်းမြစ်များ

Māteo 8:27

He māere tū nuꞌu era ꞌe he ꞌui ki a rāua ꞌā: —¿Ko ai mau te kope nei? ¡ꞌĀtā te tokerau ꞌe te pari e haꞌatura ki a ia!

Ruka 1:66

Te nuꞌu taꞌatoꞌa ŋaroꞌa i rā parau ꞌāpī he ꞌui ki a rāua ꞌā: «¿Ko ai hō te poki era ka nui-nui ena?», ꞌi te ꞌite pē nei ē: ꞌi ruŋa i rā poki te mata o te ꞌAtua.

Ruka 7:39

I takeꞌa era e tū taŋata fariseo era, tē rā ka manaꞌu: «ꞌĀhani te kope era he perofeta, ko aŋi-aŋi ꞌana: te viꞌe era he viꞌe hara».

1 Tētārōnika 1:5

I haka ꞌite atu era, paꞌi, mātou i te ⌊roŋo riva-riva o ruŋa i a Ietū Kiritō⌋, he haka moe rō ꞌai kōrua i te manaꞌu ꞌi ruŋa i a ia, ꞌe taꞌe nō ꞌo te ŋaroꞌa e kōrua i te mātou vānaŋa, ꞌo te takeꞌa takoꞌa, hai meꞌe aŋa e mātou hai pūai o te ⌊Vārua Maitai⌋, te pūai o te ꞌAtua ꞌi ruŋa i a mātou, ꞌe ꞌo te ꞌite e kōrua: mo mātou te meꞌe vānaŋa atu era he parautiꞌa mau ꞌā, he takeꞌa e kōrua pē hē mātou e noho era ꞌi roto i a kōrua mo hāꞌūꞌū atu.

Tanatiako 1:23

Te kope haka roŋo nō i rā roŋo ꞌe ꞌina he aŋa i tāꞌana meꞌe kī, pa he taŋata uꞌi a roto i te hiꞌo:

Tanatiako 1:25

ꞌE te kope taꞌe rehu te meꞌe ŋaroꞌa, hāpī mo ꞌata ꞌite ōꞌona o ruŋa i te haka tere iŋa hopeꞌa o te tī-tika haka eꞌa i te taŋata mai roto i te hara, haka tano tahi i te meꞌe aŋa ki te meꞌe kī e rā roŋo, he haꞌamaitai e te ꞌAtua ꞌi tāꞌana meꞌe taꞌatoꞌa aŋa.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia