Tanatiako 1:21 - Rapa Nui

²¹ ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

Tanatiako 1:21 ပူးပေါင်းရင်းမြစ်များ

Māteo 5:5

Ko te koa i te nuꞌu taꞌe manaꞌu i hau rō atu rāua ki te rua; ki a rāua ka vaꞌai ena i te henua.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Iovani 6:68

He pāhono e Tīmona, kī takoꞌa ko Pētero: —E Ietū, ¿ki a ai era a mātou ana oho? I a koe mau nō, paꞌi, te vānaŋa mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Aŋa o te ꞌĀpōtoro 10:33

»ꞌO ira a au i uŋa atu ai ꞌi rā hora mau ꞌā mo oho mai ōꞌou, ꞌe he riva ōꞌou, a koe i oho mai ena. ꞌĪ tātou taꞌatoꞌa ꞌi te hora nei ꞌi muꞌa i te ꞌAtua, ꞌe e haŋa rō ꞌā a mātou mo haka roŋo atu i te meꞌe taꞌatoꞌa kī atu e ia mo haka ꞌite mai e koe ki a mātou.

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 6:17

ꞌI muꞌa ꞌā, a kōrua he ꞌekaravo o te hara. ꞌE, māuru-uru ki te ꞌAtua, hora nei, e haꞌatura rō ꞌana hai māhatu ki te hāpī parautiꞌa haka ꞌite atu.

1 Kōrinto 15:2

Hai roŋo nei i eꞌa ai kōrua mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua, ana maꞌu hio-hio kōrua pa he meꞌe haka ꞌite atu era e au. Mo taꞌe ai pē ira, ꞌina e tahi hauhaꞌa o te haka moe iŋa ena o kōrua i te manaꞌu ꞌi ruŋa i a Ietū.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Ēfeto 1:13

ꞌE a kōrua, te nuꞌu taꞌe he hūrio, i ŋaroꞌa era i te parautiꞌa, he ⌊roŋo riva-riva o te ꞌAtua⌋ o ruŋa i te rāveꞌa pē hē ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa, he haka moe rō ꞌai kōrua i te manaꞌu ꞌi ruŋa i a Ietū, ꞌe he tāpaꞌo rō atu ꞌai e te ꞌAtua i a kōrua pa he nuꞌu ꞌāꞌana hai vaꞌai atu i te ⌊Vārua Maitai⌋, pa he meꞌe hōrea e ia.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 4:25

ꞌO ira, ꞌina ko reo-reo haka ꞌou; e kī te parautiꞌa ki te rua. Taꞌatoꞌa nō, paꞌi, a tātou o tū hakari ꞌā.

Ēfeto 5:4

ꞌIna kōrua ko vānaŋa i te meꞌe hano-hano, ꞌina ko kī i te vānaŋa maꞌa-maꞌa ꞌe i te vānaŋa ꞌi-ꞌino. Te meꞌe o kōrua mo aŋa he haꞌahana-hana i te ꞌAtua.

1 Tētārōnika 1:5

I haka ꞌite atu era, paꞌi, mātou i te ⌊roŋo riva-riva o ruŋa i a Ietū Kiritō⌋, he haka moe rō ꞌai kōrua i te manaꞌu ꞌi ruŋa i a ia, ꞌe taꞌe nō ꞌo te ŋaroꞌa e kōrua i te mātou vānaŋa, ꞌo te takeꞌa takoꞌa, hai meꞌe aŋa e mātou hai pūai o te ⌊Vārua Maitai⌋, te pūai o te ꞌAtua ꞌi ruŋa i a mātou, ꞌe ꞌo te ꞌite e kōrua: mo mātou te meꞌe vānaŋa atu era he parautiꞌa mau ꞌā, he takeꞌa e kōrua pē hē mātou e noho era ꞌi roto i a kōrua mo hāꞌūꞌū atu.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

Tito 2:11

Te ꞌAtua ko haka takeꞌa ꞌana i tōꞌona riva rahi hai vaꞌai ki te taŋata taꞌatoꞌa o te ao i te rāveꞌa mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

Tanatiako 4:8

E haka hāhine ki te ꞌAtua, ki haka hāhine atu ai. E te nuꞌu hara ē, ¡ka haka maꞌitaki te kōrua māhatu! E te nuꞌu haŋa ki te ꞌAtua ꞌe ki te haka tere iŋa o te ao nei ē, ¡ka toꞌo te meꞌe rake-rake mai roto i te kōrua māhatu!

Tanatiako 5:20

e ꞌite pē nei ē: te taŋata haka hoki i tōꞌona taina mai te ara taꞌe tano e mātaki ꞌā i te ara mo eꞌa o tōꞌona taina mai te ūtuꞌa o te pōꞌauahi ꞌe mo haka kore e te ꞌAtua meꞌe rahi hara.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Pētero 1:9

Ko ravaꞌa ꞌana, paꞌi, e kōrua i te meꞌe haŋa mo ravaꞌa hai haka moe o kōrua i te manaꞌu ꞌi ruŋa i a Ietū: he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.