Tanatiako 1:2 - Rapa Nui

² E te taina, ka topa atu ena rauhuru ꞌati, e koa kōrua.

Tanatiako 1:2 ပူးပေါင်းရင်းမြစ်များ

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Rōmano 5:3

ꞌE taꞌe nō ꞌo ira a tātou e koa nei, ꞌo te ꞌamo takoꞌa i te ꞌati; ꞌi te ꞌamo iŋa, paꞌi, i te ꞌati e ꞌite nei a tātou i te haꞌaoromaꞌi hai pūai.

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Fīripo 2:17

Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Fīripo 2:18

Pē ira takoꞌa kōrua: ana topa mai i te meꞌe nei, e koa kōrua mōꞌoku.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

Tanatiako 1:16

E te mau taina haŋa rahi ōꞌoku ē, e ꞌite kōrua pē nei ē:

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 5:11

Ko ꞌite ꞌana a tātou: te nuꞌu haꞌaoromaꞌi i te ꞌati e hio-hio rō ꞌā te manaꞌu ꞌi ruŋa i te ꞌAtua e haꞌamaitai rō ꞌā e ia. Ko ꞌite ꞌana, paꞌi, e kōrua pē hē a Hope, ꞌi muꞌa ꞌā, i haꞌaoromaꞌi ai i tōꞌona ꞌati, ꞌe pē hē te ꞌAtua i haꞌamaitai ai i a ia ꞌi te hora hopeꞌa. Te ꞌAtua meꞌe māhatu ꞌaroha.

2 Pētero 2:9

Hai ŋā haꞌaauraꞌa nei e ꞌite ena e ai rō ꞌana te pūai o te ꞌAtua mo haka eꞌa mai roto i te ꞌati i te taŋata aŋa i te meꞌe tī-tika, ꞌe mo haka ūtuꞌa i te nuꞌu aŋa i te meꞌe taꞌe tano, nuꞌu e tiaki e oho ꞌā ki te mahana o te ture hopeꞌa.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.