Tanatiako 1:18 - Rapa Nui

¹⁸ Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

Tanatiako 1:18 ပူးပေါင်းရင်းမြစ်များ

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Rōmano 4:17

Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.

1 Kōrinto 4:15

Ka rahi atu te nuꞌu hāpaꞌo ꞌe hāpī i a kōrua pa he ⌊kiritiano⌋, e tahi mau nō kope pa he matuꞌa tane o kōrua ko au. ꞌĀꞌaku, paꞌi, i haka ꞌite raꞌe atu i te ⌊roŋo riva-riva o ruŋa i a Ietū Kiritō⌋, ꞌe i kī atu mo ⌊haka moe i te manaꞌu⌋ ꞌi ruŋa i a ia mo ai o kōrua ꞌāꞌana.

2 Kōrinto 6:7

hai hāpī i te roŋo parautiꞌa, ꞌe hai pūai o te ꞌAtua ꞌi roto i a mātou. Te noho iŋa tano nei o mātou ki te mata o ꞌAtua, ꞌi te hora taꞌatoꞌa, pa he meꞌe e rua maꞌu e te vaꞌehau ꞌi te rima ꞌi te hora o te tamaꞌi, e tahi o rā meꞌe mo moto ꞌe te rua mo puru i a ia ꞌo pū.

Ēfeto 1:12

I aŋa ai i te meꞌe nei mo haꞌahana-hana te taŋata ki te ꞌAtua ꞌi te nui-nui o tōꞌona pūai hai mātou hai ⌊hūrio⌋, nuꞌu haka moe raꞌe i te manaꞌu ꞌi ruŋa i a Ietū.

Ēfeto 1:13

ꞌE a kōrua, te nuꞌu taꞌe he hūrio, i ŋaroꞌa era i te parautiꞌa, he ⌊roŋo riva-riva o te ꞌAtua⌋ o ruŋa i te rāveꞌa pē hē ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa, he haka moe rō ꞌai kōrua i te manaꞌu ꞌi ruŋa i a Ietū, ꞌe he tāpaꞌo rō atu ꞌai e te ꞌAtua i a kōrua pa he nuꞌu ꞌāꞌana hai vaꞌai atu i te ⌊Vārua Maitai⌋, pa he meꞌe hōrea e ia.

2 Timoteo 2:15

E aŋa riva-riva koe i taꞌa aŋa, ki ai ai koe he taŋata tano ꞌe aŋa i te meꞌe tī-tika ꞌi muꞌa i te ꞌAtua, pa he taŋata ꞌina ōꞌona hape mo haꞌamā iŋa ꞌe, takoꞌa, hāpī riva-riva oho i te roŋo parautiꞌa o te ꞌAtua.

ꞌEvereo 12:23

ꞌe te nuꞌu taꞌatoꞌa haka moe i te manaꞌu ꞌi ruŋa i a Ietū, nuꞌu i a rāua te tōroꞌa o te ŋā poki ꞌatariki ꞌe te rāua ꞌīŋoa ko pāpaꞌi ꞌana ꞌi ruŋa i te raŋi, ꞌe he kona ꞌi ira a tātou e piri nei ki te ꞌAtua, kope ꞌāꞌana te ture i te taꞌatoꞌa; ki te vārua o te nuꞌu mā-mate ko haka tano ko oti ꞌā ki te mata o te ꞌAtua;

Tanatiako 1:15

Mai roto i te manaꞌu taꞌe tano e poreko ena te hara, ꞌe te meꞌe hopeꞌa mo poreko mai roto i te hara he mate.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

1 Iovani 3:9

ꞌIna e tahi poki parautiꞌa o te ꞌAtua noho ꞌi roto i te hara ꞌo te ai ꞌi roto i a ia te manaꞌu o te ꞌAtua; ꞌina he haŋa haka ꞌou mo hara ꞌi te ai ōꞌona o te ꞌAtua.

Meꞌe Haka Takeꞌa 14:4

Te nuꞌu nei he nuꞌu kai haꞌamuri ki te ꞌītoro, he nuꞌu kai haka rē i te ꞌAtua ki te hora hopeꞌa, ꞌe he nuꞌu i oho ꞌi muri i te Māmoe ki te kona nō era o te Māmoe i oho. A rāua ko haꞌataꞌa ꞌā mai roto i te taŋata taꞌatoꞌa o te ao pa he meꞌe raꞌe mo mahia ki te ꞌAtua ꞌe ki te Māmoe.