Tanatiako 1:17 - Rapa Nui

¹⁷ taꞌatoꞌa meꞌe riva-riva ai o tātou mai te ꞌAtua e ai mai ena. ꞌĀꞌana, paꞌi, i aŋa i te meꞌe taꞌatoꞌa māꞌeha o te raŋi. Te ŋā meꞌe nei e huri rō ꞌana ꞌi tōꞌona hora: e pōꞌuri rō ꞌā ꞌe e māꞌeha rō ꞌana. ꞌE te huru o te ꞌAtua ꞌina he huri.

Tanatiako 1:17 ပူးပေါင်းရင်းမြစ်များ

Māteo 7:11

»Mo ai ko ꞌite ꞌana a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi hai meꞌe riva-riva ki te nuꞌu no-noꞌi ki a ia?

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Iovani 1:9

ꞌE, te mōrī haka māꞌeha i te taŋata taꞌatoꞌa e ko roa he oho mai ki te ao.

Iovani 3:27

He kī e Iovani: —Mo ai rō o te pūai o te taŋata e tahi, o te ꞌAtua i vaꞌai.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 8:12

Ko roa atu ꞌā te hora he vānaŋa haka ꞌou a Ietū ki te taŋata, he kī pē nei ē: —A au he mōrī haka māꞌeha i te manaꞌu o te taŋata o te ao; te kope oho mai ki a au e ko oho a roto i te pōhāhā. He ai i a ia te mōrī vaꞌai i te ora ꞌāpī ꞌina he hopeꞌa raꞌa.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Ēfeto 1:18

ꞌE e ani takoꞌa rō ꞌana a au ki a ia mo haka māꞌeha atu i te kōrua manaꞌu, ki ꞌite ai kōrua he aha te meꞌe ꞌāꞌana mo kōrua pe muꞌa ka oho ena ꞌo te ai o kōrua he nuꞌu haꞌataꞌa māꞌana, ꞌe ki ꞌite takoꞌa ai kōrua i te rahi ꞌe i te nui-nui o te meꞌe hōrea e ia mo tāꞌana nuꞌu,

Ēfeto 2:8

ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

1 Timoteo 6:16

ꞌIna o ruŋa i a ia te mate; ꞌi roto i te mōrī ꞌana-ꞌana e noho ena ꞌe ꞌi te pūai o rā mōrī e ko hāhine e tahi kope. ꞌIna ꞌā e tahi taŋata i takeꞌa ꞌe mo takeꞌa takoꞌa i a ia. Ki haꞌamuri ꞌe ki haꞌahana-hana tātou i te ꞌAtua; i a ia, paꞌi, te parau ꞌe te pūai mo haka tere i te meꞌe taꞌatoꞌa ꞌātā ki te hora hopeꞌa. ⌊ꞌĀmene⌋.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.

Tanatiako 3:15

Taꞌe o te ꞌAtua te huru ena; he meꞌe o te ao nei, o te taŋata ꞌe o Rukifero.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

1 Iovani 1:5

Te roŋo hāpī mai era e Ietū Kiritō ꞌe e haka ꞌite atu ena e mātou: te ꞌAtua he Mōrī ꞌe ꞌina he meꞌe pōꞌuri ꞌi ruŋa i a ia.

1 Iovani 4:10

Ko te meꞌe nei te meꞌe he haŋa parautiꞌa: he uŋa mai o te ꞌAtua i tāꞌana Poki pa he tūtia mo haka kore o te tātou hara, taꞌe ꞌō ko te haŋa nei o tātou ki a ia.

Meꞌe Haka Takeꞌa 21:23

ꞌE ¿mo aha takoꞌa te raꞌā ꞌe te māhina o rā kona? O te ꞌAtua mau ꞌā, paꞌi, ꞌe o te Māmoe te haka māꞌeha.

Meꞌe Haka Takeꞌa 22:5

ꞌIna he pō rā kona. ¿Mo aha atu ꞌā te hakariꞌi ꞌe te raꞌā o rā nuꞌu? O te ꞌAtua, paꞌi, he Pūꞌoko Haka Tere, te haka māꞌeha i a rāua, ꞌe ananake ka haka tere ena ꞌātā ki te hopeꞌa raꞌa.