Tanatiako 1:1 - Rapa Nui

¹ A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

Tanatiako 1:1 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Māteo 13:55

¿Taꞌe ꞌō a ia ko te poki era o te tāmuta, ꞌe ko ⌊Māria⌋ tōꞌona matuꞌa vahine? ¿Taꞌe ꞌō he taina o ⌊Tanatiako⌋, o ⌊Kōsē⌋, o Tīmona ꞌe o Hura?

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Marko 3:18

Te meꞌe takoꞌa i toꞌo: ko Antarea, ko Feripe, ko Torometi, ko Māteo, ko Tōmā, ko Tanatiako, poki ꞌa Arafeo, ko Tāreo, ko Tīmona, o roto i te nūnaꞌa he ⌊kananeo⌋,

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

Ruka 6:15

ko Māteo, ko Tōmā, ko Tanatiako, poki ꞌa Arafeo; ko Tīmona, e kī era he ⌊sērote⌋;

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 7:35

He haꞌamata ia te hūrio he ꞌui ki a rāua ꞌana: «¿Ki hē te kope nei ka oho ena ka taꞌe ravaꞌa ena e tātou? ¿He oho hō he noho ꞌi muri i te hūrio ꞌi te henua kē, ꞌe he hāpī i te nuꞌu taꞌe ꞌite ko ai te ꞌAtua parautiꞌa?

Aŋa o te ꞌĀpōtoro 1:13

I tuꞌu era ki Hērutarema, he eke ananake ki te piha o ruŋa o te hare ꞌi ira e noho era. Te nuꞌu nei ko Pētero, ko Iovani, ko ⌊Tanatiako⌋, ko Antarea, ko Feripe, ko Tōmā, ko Torometi, ko Māteo, ko Tanatiako poki ꞌa Arafeo, ko Tīmona he ⌊sērote⌋, ko Hura poki ꞌa Tanatiako.

Aŋa o te ꞌĀpōtoro 12:17

He haꞌaauraꞌa e Pētero hai rima mo mo-mou, ꞌe he ꞌaꞌamu pē hē i haka eꞌa ai i a ia e te ꞌAtua mai roto i te hare maꞌuꞌaurī, ꞌai ka kī: «E ꞌaꞌamu kōrua i te meꞌe nei ki a Tanatiako ꞌe ki te tētahi atu taina o tātou». I oti era he eꞌa he oho a Pētero ki te rua kona.

Aŋa o te ꞌĀpōtoro 15:13

I oti era te vānaŋa, he kī e ⌊Tanatiako⌋: «Ka haka roŋo mai, e kuā taina ē:

Aŋa o te ꞌĀpōtoro 15:21

Mai te hora tuai era ꞌā, paꞌi, e taiꞌo e haka ꞌite ena i te ŋā roŋo nei o te haka tere iŋa ꞌa Mōtē ꞌi te kona taꞌatoꞌa ꞌi roto i te ⌊hare pure hūrio⌋ ꞌi te ⌊mahana haka ora⌋».

Aŋa o te ꞌĀpōtoro 15:23

Ki a rāua i haka maꞌu ai i te roŋo e pāpaꞌi rō ꞌā pē nei ē: «A mātou te ꞌāpōtoro ꞌe te nuꞌu pūꞌoko haka tere, he ꞌaroha atu mai Hērutarema ki a kōrua ki te taina taꞌe he hūrio noho ꞌi Antiokia, ꞌi Tīria ꞌe ꞌi Tiritia.

Aŋa o te ꞌĀpōtoro 2:5

ꞌI Hērutarema te ⌊hūrio⌋ haꞌamuri ꞌe haꞌatura ki te ꞌAtua o te kona taꞌatoꞌa o te ao.

Aŋa o te ꞌĀpōtoro 21:18

ꞌI te rua mahana he maꞌu e Pauro i a mātou ꞌi muri i a ia mo uꞌi i a ⌊Tanatiako⌋ ꞌe i te tētahi atu nuꞌu pūꞌoko haka tere o te nūnaꞌa taŋata haka moe i te manaꞌu ꞌi ruŋa i a Ietū o Hērutarema.

Aŋa o te ꞌĀpōtoro 23:26

«ꞌA Karaurio Rītia mo te suerekao ko Fēriki: ꞌIorana.

Aŋa o te ꞌĀpōtoro 26:7

A tātou, te hoꞌe ꞌahuru mā piti mata o te itaraera, ko te ŋatu iŋa ꞌana i te haŋu mo takeꞌa i te haka tano iŋa o rā hōrea. ꞌO ira e haꞌamuri ꞌe e haꞌatura ena a tātou ki te ꞌAtua te pō te ꞌōtea. ꞌE, ka atu pē ira, o ruŋa o te meꞌe nei, e te ꞌariki ko ꞌAkiripa ē, i horo ai i a au e te hūrio ra-rahi.

Aŋa o te ꞌĀpōtoro 8:1

ꞌE a Sauro e peꞌe rō ꞌā ki tū meꞌe aŋa era ki a ꞌĒteva. He haꞌamata ia, ꞌi rā mahana mau ꞌā, he kimi mo tōtōā i te nuꞌu ⌊haka moe i te manaꞌu⌋ ꞌi ruŋa i a Ietū o Hērutarema. Pē ira rā nuꞌu i maraŋa ai ki kona era ki kona era o Hūrea ꞌe o ⌊Tāmāria⌋; he ⌊ꞌāpōtoro⌋ nō te nuꞌu i taꞌe oho mai ira.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Karatia 1:19

ꞌIna he rua ꞌāpōtoro i takeꞌa e au; te kope haka ꞌou nō ꞌāꞌaku i māhani ko Tanatiako, taina o Ietū.

Karatia 2:12

Te ŋā mahana raꞌe era ōꞌona ꞌi ira e kai era ananake ko te nuꞌu taina taꞌe he hūrio. ꞌE, i tuꞌu atu era te taina hūrio e maꞌu nō ꞌā ꞌi te haka tere iŋa ꞌa Mōtē uŋa atu e Tanatiako, he haꞌamata he haka topa kē i a ia; ꞌina kai haŋa haka ꞌou mo kai ꞌi muri i tū nuꞌu era, ꞌi te riꞌa-riꞌa ꞌo ture e tū nuꞌu hūrio era ꞌo te aŋa i te meꞌe ꞌina he tano ki te haka tere iŋa hūrio.

Karatia 2:9

I aŋi-aŋi era e ⌊Tanatiako⌋, e Pētero ꞌe e ⌊Iovani⌋, pūꞌoko haka tere o te nuꞌu haka moe i te manaꞌu ꞌi ruŋa i a Ietū o Hērutarema pē nei ē: o te ꞌAtua mau ꞌana i vaꞌai mai, hai riva rahi ōꞌona, i te aŋa nei ki a au, he vaꞌai mai ia e kuā Pētero i te rāua rima mo haka takeꞌa mai ki a māua ko Verenāvē: a māua he hokorua takoꞌa o rāua ꞌi te aŋa o te ꞌAtua, ꞌe e tano rō ꞌana ki a rāua mo oho o māua mo aŋa ꞌi roto o te nuꞌu taꞌe he hūrio, ꞌe ko rāua mo haka ꞌite mo oho ki te nuꞌu hūrio.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

2 Timoteo 4:21

E Timoteo, e hōrou mai koe mai taꞌe tuꞌu mai te toŋa. A Euvuro, a Purenete, a Rino, a Karauria ꞌe te taina taꞌatoꞌa ꞌī e ꞌaroha atu ena.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.

Meꞌe Haka Takeꞌa 7:4

I ŋaroꞌa rō e au e hia rahi o rā nuꞌu era mo tāpaꞌo: e hoꞌe hānere maha ꞌahuru mā maha taꞌutini o roto i te mata taꞌatoꞌa o te itaraera.