Ruka 9:51 - Rapa Nui

⁵¹ I hāhine era te mahana o Ietū mo iri ki te raŋi, he ŋatu mau rō ꞌai te haŋu mo tuꞌu ki Hērutarema.

Ruka 9:51 ပူးပေါင်းရင်းမြစ်များ

Marko 16:19

I oti era a Ietū te vānaŋa, he maꞌu he iri e te ꞌAtua ki te raŋi. He noho ia a Ietū ꞌi te pāꞌiŋa mataꞌu o te ꞌAtua.

Ruka 12:50

E piri rō mai te ꞌati nui-nui, ꞌe ¡ko te mamae e maꞌu nei ꞌātā ka haka tano tahi rō rā ꞌati!

Ruka 13:22

ꞌI te ara o Ietū ki Hērutarema, he hāpī te aŋa i te nuꞌu o te kona tuꞌu.

Ruka 17:11

ꞌI te ara oho o Ietū ki Hērutarema i vari ai a te tītaꞌa henua vahi i Karirea mai ⌊Tāmāria⌋.

Ruka 18:31

He toꞌo ia e Ietū i tāꞌana nuꞌu hāpī, he haka tapa koia ko kī: «Nā ko ꞌite ꞌā e kōrua: ꞌī tātou e oho ꞌana ki Hērutarema. ꞌI ira ka topa tahi ena te meꞌe pāpaꞌi e te perofeta o ruŋa o te Poki o te taŋata.

Ruka 19:11

ꞌI te hāhine ia o Ietū ki Hērutarema, ꞌe ꞌi te manaꞌu o te nuꞌu era e haka roŋo era ki a ia pē nei ē: te ⌊haka tere iŋa ꞌāpī o te ꞌAtua⌋ nā he topa, he ꞌaꞌamu e Ietū i te ꞌaꞌamu haꞌaauraꞌa nei.

Ruka 19:28

I oti era te kī i te meꞌe nei, he eꞌa he oho haka ꞌou a Ietū ꞌi tōꞌona ara ki Hērutarema.

Ruka 24:51

E haꞌamaitai nō ꞌana he haꞌamata he iri he oho ki te raŋi.

Ruka 9:57

E oho nō ꞌana ananake ꞌi te ara, he kī e te taŋata e tahi ki a Ietū: —E Ietū, kona nō ena ōꞌou ka oho ena, he oho atu a au ꞌi muri i a koe mo taŋata hāpī ꞌāꞌau.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 16:5

Hora nei he hoki a au ki te kope ꞌāꞌana a au i uŋa mai, ꞌe ꞌina ꞌā e tahi o kōrua i ꞌui mai ki hē au ka oho nei.

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Iovani 6:62

¿Pē hē ia mo takeꞌa i te Poki o te taŋata e iri ꞌana ki te kona era mai ira i turu mai ai?

Aŋa o te ꞌĀpōtoro 1:2

ꞌātā ki te mahana iri ōꞌona ki te raŋi. Kai iri ꞌā i haka ꞌite rō ai hai Vārua Maitai ki tāꞌana nuꞌu haꞌataꞌa he ⌊ꞌāpōtoro⌋ i te meꞌe o rāua mo aŋa.

Aŋa o te ꞌĀpōtoro 1:9

I kī era i te meꞌe nei, he iri he oho a Ietū a ruŋa, e uꞌi nō ꞌā e tū nuꞌu era, he viri e te raŋi e tahi ꞌe he ŋaro rō ꞌai.

Ēfeto 1:20

ꞌi te hora haka ora i a Ietū mai te mate ꞌe haka noho i a ia ꞌi tōꞌona pāꞌiŋa mataꞌu ꞌi te raŋi.

Fīripo 3:14

mo tuꞌu ki te roa hopeꞌa ꞌe mo ravaꞌa e au i te meꞌe mo vaꞌai mai e te ꞌAtua ꞌi te raŋi ꞌo te ai ōꞌoku ꞌa Ietū Kiritō, pa he kope ꞌāꞌati e tahuti ena mo ravaꞌa i te meꞌe mo haka koa i a ia ka tuꞌu ena ki te roa hopeꞌa.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.