Ruka 9:50 - Rapa Nui

⁵⁰ He pāhono e Ietū: —E haka rē nō kōrua i a ia. Te kope ꞌina i a ia te haŋa mo haka hape i te tātou aŋa e hāꞌūꞌū mai ꞌana.

Ruka 9:50 ပူးပေါင်းရင်းမြစ်များ

Māteo 12:30

»Te kope taꞌe peꞌe mai ꞌina he haŋa mai; ꞌe te kope taꞌe hāꞌūꞌū mai mo haka taka-taka i te taŋata mo te ꞌAtua e haka mira-mira ꞌā i tāꞌaku aŋa.

Māteo 17:24

I tuꞌu era a Ietū ananake ko tāꞌana nuꞌu hāpī ki Kaperenāū, te nuꞌu haka ꞌauhau i te taŋata hai moni mo te ⌊Kona Haꞌamuri ꞌAtua⌋ he oho he uꞌi i a Pētero, ꞌe he ꞌui: —¿E ꞌauhau rō ꞌā tuꞌu maꞌori i te moni mo te Kona Haꞌamuri ꞌAtua?

Māteo 17:26

He pāhono e Pētero: —He nuꞌu taꞌe he huaꞌai ōꞌona. He kī haka ꞌou e Ietū: —He aŋi ꞌā tāꞌau, te huaꞌai o te ꞌariki ꞌina he ꞌauhau.

Marko 9:38

He kī e Iovani: —E te Maꞌori, ko takeꞌa ꞌā e mātou i te kope e haka eꞌa ꞌana i te tātane mai roto i te taŋata hai ꞌīŋoa ōꞌou. I kī rō e mātou mo taꞌe aŋa haka ꞌou. Taꞌe, paꞌi, a ia o roto i a tātou.

Marko 9:41

»ꞌĪ a au he kī atu: te taŋata vaꞌai atu, korohaŋa he hapaina vai mau nō ꞌo te ai o kōrua o te ⌊Kiritō⌋, pe muꞌa ka oho ena e ko taꞌe vaꞌai e te ꞌAtua ki rā taŋata hai meꞌe mo haka koa.

Ruka 11:23

»ꞌĪ a au he kī atu: te kope taꞌe ⌊haka moe i te manaꞌu⌋ ꞌi ruŋa i a au ꞌina he haŋa mai, ꞌe te kope taꞌe hāꞌūꞌū mai mo aŋa i tāꞌaku aŋa e haka hape ꞌā i tāꞌaku aŋa.

Ruka 16:13

»Te taŋata e tahi e ko riva mo tāvini ki te kope e rua; ki te kope e tahi ka haŋa era ꞌe ki te rua ka riri era. He haꞌatura ki te kope e tahi ꞌe ki te rua e ko haꞌatura. Te auraꞌa: e ko tano kōrua mo tāvini ki te ꞌAtua ꞌe ki te moni».

1 Kōrinto 12:3

ꞌO ira e haŋa ꞌana a au mo ꞌite o kōrua: ꞌina e tahi kope haka tere e te Vārua Maitai tohu i a Ietū, ꞌe ꞌina e tahi kope taꞌe o te Vārua Maitai te haka tere kī: a Ietū he Pūꞌoko Haka Tere ōꞌona.