Ruka 9:48 - Rapa Nui

⁴⁸ ꞌe he kī ki rā nuꞌu: «Te kope toꞌo ꞌe hāpaꞌo i te poki nei hai ꞌīŋoa ōꞌoku e toꞌo ꞌana i a au; ꞌe te kope toꞌo i a au e toꞌo takoꞌa ꞌana i te kope uŋa mai i a au. ꞌE te kope ꞌata hōnui ꞌi roto i a kōrua, he kope tōꞌona manaꞌu mau nō he tāvini ki te taꞌatoꞌa».

Ruka 9:48 ပူးပေါင်းရင်းမြစ်များ

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Māteo 18:14

Pē ira takoꞌa ꞌā, te Matuꞌa o kōrua o te raŋi e ko haŋa mo ŋaro ꞌo mo ꞌati e tahi o te nuꞌu nei, nuꞌu taꞌe pūai rahi o te haka moe iŋa i te manaꞌu ꞌi ruŋa i a au.

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 25:45

»E pāhono rō e te ꞌAriki: “Te parautiꞌa, te meꞌe taꞌe aŋa e kōrua mo te tētahi o tōꞌoku taina hopeꞌa o te taꞌe hōnui e taꞌe aŋa ꞌā e kōrua mōꞌoku”.

Marko 9:37

«Te kope toꞌo ꞌe hāpaꞌo hai ꞌīŋoa ōꞌoku i te rua, ka ai atu i te poki e tahi pa he poki nei, e toꞌo ꞌana i a au; ꞌe te kope toꞌo i a au, taꞌe e toꞌo ꞌā i a au nō, e toꞌo takoꞌa ꞌana i te kope uŋa mai i a au».

Ruka 10:16

He kī ia e Ietū ki tāꞌana nuꞌu hāpī: «Te nuꞌu haka roŋo atu e haka roŋo mai ꞌana; te nuꞌu taꞌe haŋa atu e taꞌe haŋa mai ꞌana; ꞌe te nuꞌu taꞌe haŋa mai e taꞌe haŋa ꞌana ki te kope uŋa mai i a au».

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 22:26

»A kōrua ꞌina ko tuꞌu pē ira. Te kope hopeꞌa o te hōnui o roto o kōrua e haka riro i a ia pa he kope hopeꞌa o te taꞌe hōnui, te kope ko ia te pūꞌoko haka tere e haka riro i a ia pa he tāvini.

Ruka 22:30

ki riva ai mo kai ꞌe mo unu ꞌi muri i a au ꞌi te hora haka tere ōꞌoku pa he ꞌariki. ꞌE a kōrua e noho rō ꞌi ruŋa i te pepe noho ꞌariki mo haka tere i te hoꞌe ꞌahuru mā piti mata o te itaraera».

Ruka 7:28

He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Iovani 13:20

ꞌĪ a au he kī atu: Te kope here ꞌi roto i tōꞌona māhatu i te kope uŋa e au e here takoꞌa ꞌana i a au ꞌi roto i tōꞌona māhatu, ꞌe te kope here i a au ꞌi roto i tōꞌona māhatu e here takoꞌa ꞌana i te kope uŋa mai i a au».

Iovani 14:21

»Te kope haka roŋo ꞌe haꞌatura ki tāꞌaku roŋo, ko ia te kope haŋa parautiꞌa mai. Tōꞌoku Matuꞌa he haŋa ki a ia ꞌe he haŋa takoꞌa e au, ꞌe ki a ia a au ka haka takeꞌa ena pē hē tōꞌoku huru.

1 Tētārōnika 4:8

ꞌE te taina taꞌe haŋa ꞌe taꞌe haꞌatura ki te hāpī nei e hārui ꞌana i te ꞌAtua hai tuaꞌivi, taꞌe ꞌō i te taŋata; o te ꞌAtua, paꞌi, te hāpī nei ꞌe ꞌāꞌana te uŋa atu i te ⌊Vārua Maitai⌋ mo noho ꞌi roto i a kōrua.

1 Pētero 5:6

E haka hauhaꞌa-ꞌore kōrua i a kōrua ꞌi muꞌa i te pūai nui-nui o te ꞌAtua, ki haka nui-nui atu ai i a kōrua ꞌi te hora tano ki a ia.

Meꞌe Haka Takeꞌa 21:14

I titi ai rā ꞌāua ꞌi ruŋa i te paeŋa e hoꞌe ꞌahuru mā piti, ꞌe ꞌi ruŋa i rā ŋā paeŋa i pāpaꞌi ai te ꞌīŋoa o te hoꞌe ꞌahuru mā piti ⌊ꞌāpōtoro⌋ o te Māmoe.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.