Ruka 9:41 - Rapa Nui

⁴¹ He kī ia e Ietū ki te taꞌatoꞌa: —¡Ko te pūꞌoko hio-hio i a kōrua, e te nuꞌu manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Ruka 9:41 ပူးပေါင်းရင်းမြစ်များ

Māteo 11:28

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Māteo 12:39

He kī a Ietū: —A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua e haŋa ꞌā mo aŋa ōꞌoku i te mana; ꞌe te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Māteo 16:4

A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua, e haŋa ꞌā mo aŋa ōꞌoku i te mana, ꞌe, te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko Hōnā». He haka rē ia a Ietū i rā nuꞌu ꞌe he eꞌa he oho mai ira.

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Māteo 23:36

ꞌĪ a au he kī atu: te ūtuꞌa o te aŋa i te meꞌe taꞌatoꞌa nei ka topa ena ꞌi ruŋa i te nuꞌu o te hora nei.

Māteo 3:7

I takeꞌa era e Iovani meꞌe rahi te ⌊fariseo⌋ ꞌe te ⌊saruseo⌋ i tuꞌu mo papatito, he kī: «¡E te huaꞌai o te kōreha veneno ē! ¿ꞌA ꞌai i kī atu he eꞌa kōrua mai roto i te ūtuꞌa nui-nui ena ko hāhine mai ꞌā?

Marko 10:14

I takeꞌa era e Ietū, he riri ꞌe he kī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Marko 10:49

He noho ia a Ietū, ꞌe he kī: —Ka kī kōrua mo oho mai. He kī ia e te nuꞌu ki tū matapō era: —Kiahio koe. Ka eꞌa ki ruŋa; ꞌai e kī mai era mo oho ōꞌou.

Marko 9:19

He kī e Ietū: —¡E te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Ruka 8:25

I oti era he kī ki tāꞌana nuꞌu hāpī: —¿ꞌIna ꞌana ꞌō a kōrua kai haka moe ꞌā i te manaꞌu ꞌi ruŋa i a au? Ko riꞌa-riꞌa ꞌā ꞌe ko māere atu ꞌana rā nuꞌu he ꞌui ki a rāua ꞌā: «¿Ko ai mau te kope nei? ¡ꞌĀtā te tokerau ꞌe te pari e haꞌatura rō ꞌā ki a ia!».

Ruka 9:40

Ko ani ꞌana a au ki taꞌa nuꞌu hāpī nei mo haka eꞌa ꞌe ꞌina kai ravaꞌa.

Ruka 9:42

I hāhine i oho era te poki ki a Ietū, he haka hiŋa e te tātane, he haka kiki-kiki. He ture he haka eꞌa e Ietū i rā tātane ꞌe he ora tū poki era. I oti era he haka hoki e Ietū ki tōꞌona matuꞌa.

Iovani 14:9

He pāhono e Ietū: —E Ripe, ꞌi muri i a kōrua ꞌana a au, ꞌe, ¿kai aŋi-aŋi ꞌā e koe ko ai a au? Te kope takeꞌa i a au ko takeꞌa ꞌā i te Matuꞌa. ¿He aha ia a koe e kī mai ena mo haka takeꞌa atu ōꞌoku i te Matuꞌa?

Iovani 20:27

He kī ia e Ietū ki a Tōmā: —Ka oho mai ka uꞌi tōꞌoku rima. Ka ha-haꞌo hai maŋa-maŋa rima ena ōꞌou ꞌe ꞌai ka haka toro rō mai tuꞌu rima ki roto i tōꞌoku rehe-rehe. ¡ꞌIna ko ꞌaka-ꞌaka haka ꞌou te manaꞌu; ko au mau ꞌā te meꞌe nei!

Aŋa o te ꞌĀpōtoro 13:18

»I haꞌaoromaꞌi nō te ꞌAtua i te meꞌe rake-rake aŋa e rāua e maha ꞌahuru matahiti ꞌi roto i te kona ꞌone taꞌe noho taŋata,

Aŋa o te ꞌĀpōtoro 2:40

Hai ŋā vānaŋa nei ꞌe hai vānaŋa haka ꞌou atu i hāpī ai ꞌe i hatu ai e Pētero ki te taŋata: «¡E haka tapa kōrua mai muri i te nuꞌu aŋa i te meꞌe taꞌe tano ꞌo haka ūtuꞌa takoꞌa atu te ꞌAtua i a kōrua!».

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

ꞌEvereo 3:19

ꞌE, he aŋi ꞌā, ꞌina mau ꞌā a rāua kai oꞌo, he taꞌe haka moe i te manaꞌu ꞌi ruŋa i te ꞌAtua.

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.