Ruka 9:35 - Rapa Nui

³⁵ ꞌE mai roto te reꞌo i kī ai: «He Poki nā ꞌāꞌaku, ko tāmoe-moe era ꞌā e au mo tāꞌaku aŋa. E haꞌatura kōrua ki a ia».

Ruka 9:35 ပူးပေါင်းရင်းမြစ်များ

Māteo 12:18

«ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Marko 1:11

He ŋaroꞌa i te reꞌo mai te raŋi ka kī: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Ruka 3:22

he turu te Vārua Maitai ki ruŋa i a ia tuꞌu pa he pāroma, ꞌe he ŋaroꞌa e tahi reꞌo ꞌi te raŋi e kī era: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Ruka 9:34

E vānaŋa nō ꞌā a Pētero i noho ai e tahi raŋi ꞌi ruŋa. I takeꞌa era ko viri tahi ꞌana i a rāua e tū raŋi era, he riꞌa-riꞌa.

Iovani 12:28

Te meꞌe mau ꞌāꞌaku mo kī: “E Koro, ka haka takeꞌa tuꞌu pūai ki te taŋata ki haꞌamuri atu ai ki a koe”». He ŋaroꞌa ia i te reꞌo e tahi mai te raŋi e kī ꞌana: «Ko haka takeꞌa era ꞌana e au, ꞌe ꞌī a au he haka takeꞌa haka ꞌou».

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

ꞌEvereo 3:15

ꞌO ira e kī ena: «Mo ŋaroꞌa e kōrua ꞌi ꞌaŋarīnā i te meꞌe kī atu e te ꞌAtua, ꞌina ko haka hio-hio te kōrua manaꞌu pa he nuꞌu taꞌe haꞌatura era ki a ia».

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.