Ruka 9:32 - Rapa Nui

³² A kuā Pētero ia e hāꞌuru ꞌā. I ꞌara era he takeꞌa i te pūai ꞌana-ꞌana o Ietū ꞌe i tū ŋā kope era hoko rua.

Ruka 9:32 ပူးပေါင်းရင်းမြစ်များ

Marko 14:40

I hoki haka ꞌou era, ko hāꞌuru haka ꞌou ꞌā tū nuꞌu era ꞌi te rohi-rohi. I ꞌa-ꞌara era, ꞌina kai ꞌite he aha te meꞌe mo kī.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

2 Pētero 1:16

Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.