Ruka 9:3 - Rapa Nui

³ He kī: «Ka oho ena kōrua, ꞌina ko maꞌu e tahi meꞌe; ꞌina ko maꞌu te toko-toko, te pūtē, te haraoa, te moni ꞌe te kahu mo mono.

Ruka 9:3 ပူးပေါင်းရင်းမြစ်များ

Marko 6:7

E tahi mahana he haka taka-taka e Ietū i tāꞌana nuꞌu hāpī e hoꞌe ꞌahuru mā piti, ꞌe he uŋa hoko rua hoko rua koia ko vaꞌai i te parau ꞌe i te pūai mo haka eꞌa i te tātane oꞌo ki roto i te taŋata.

Ruka 12:22

He kī ia a Ietū i te meꞌe nei ki tāꞌana nuꞌu hāpī: «ꞌIna ko manaꞌu rahi kōrua o ruŋa o te meꞌe mo kai ꞌe o ruŋa o te kahu mo uru.

Ruka 12:28

»Mo ai pē ira te ꞌAtua e haka nehe-nehe ena i te tiare o ꞌuta ꞌūaꞌa ꞌi ꞌaŋarīnā ꞌe mae-mae āpō, ¿pē hē ana taꞌe haka uru atu i a kōrua hai kahu, e te nuꞌu taꞌe haka moe riva-riva i te manaꞌu ꞌi ruŋa i te ꞌAtua ē?

Ruka 22:35

I oho era he ꞌui e Ietū: —I uŋa era a au i a kōrua ꞌina e tahi meꞌe maꞌu mo te ara, ¿i hape rō te kōrua meꞌe? He pāhono e tū nuꞌu era: —ꞌIna.

Ruka 3:11

He pāhono e Iovani: —Te taŋata ai e rua ōꞌona kahu, ka vaꞌai e tahi ki te taŋata ꞌina he kahu; ꞌe te taŋata e ai rō ꞌā tāꞌana kai, ka vaꞌai to te taŋata ꞌina ꞌāꞌana kai.

Ruka 5:29

I oho era he aŋa e Rēvī i te ŋoŋoro nui-nui mā Ietū ꞌi tōꞌona hare. Meꞌe rahi taŋata haka ꞌauhau i te nuꞌu hai moni mo te rōmano koia ko te tētahi atu nuꞌu e noho rō ꞌana ꞌi ruŋa i te ꞌamuramaꞌa ananake ko kuā Ietū.

Ruka 9:4

Hare nō ena o kōrua ka tuꞌu ena, ꞌi ira ana noho ꞌātā ki te oho iŋa o kōrua mai rā kona.

2 Timoteo 2:4

ꞌIna e tahi vaꞌehau oꞌo ki te aŋa o te nuꞌu taꞌe he vaꞌehau. Te meꞌe haŋa o te vaꞌehau he aŋa riva-riva i te aŋa mo koa o te kape.