Ruka 9:28 - Rapa Nui

²⁸ Ka vaꞌu mahana pe muꞌa mai te mahana kī i tū vānaŋa era, he iri a Ietū ki ruŋa i te maꞌuŋa mo pure. He maꞌu ꞌi muri i a ia i a Pētero, i a ⌊Tanatiako⌋ ꞌe i a Iovani.

Ruka 9:28 ပူးပေါင်းရင်းမြစ်များ

Māteo 14:23

I haka oho tahi era a Ietū i te taŋata, he eke ki ruŋa i te maꞌuŋa he pure. Hoko tahi nō ꞌi rā kona i pō ai,

Māteo 5:1

I takeꞌa era e Ietū i te rahi o te nuꞌu, he iri ꞌiti pe ruŋa o te maꞌuŋa ꞌai ka noho. ꞌE, i puā era tāꞌana nuꞌu hāpī,

Marko 1:35

ꞌI te rua mahana, e pōꞌuri nō ꞌā, he eꞌa a Ietū mai Kaperenāū he oho he pure ꞌi te kona ꞌina he taŋata.

Marko 6:46

I haka oho tahi era, he iri ki ruŋa i te maꞌuŋa he pure.

Ruka 3:21

E papatito nō ꞌā a Iovani i te nuꞌu, he papatito takoꞌa i a Ietū. E pure nō ꞌana a Ietū ꞌi rā hora, he ha-hata te raŋi,

Ruka 5:16

ꞌE a Ietū e haka tapa rō ꞌā i a ia a te kona ꞌina he taŋata mo pure ōꞌona.

Ruka 6:12

ꞌI rā ŋā mahana, he iri a Ietū ki ruŋa i te maꞌuŋa e tahi mo pure ꞌe i pure ai ka ꞌōtea rō.

Ruka 8:51

I tuꞌu era ananake ki te hare o Hairo, te nuꞌu nō i haꞌatiꞌa e Ietū mo uru ꞌi muri i a ia ki roto i te piha ꞌi ira te poki ko Pētero, ko ⌊Tanatiako⌋, ko ⌊Iovani⌋ ꞌe he matuꞌa tane ꞌe vahine o te poki.

Ruka 9:18

E tahi mahana e pure ꞌana a Ietū, ꞌe ꞌi muri i a ia tāꞌana nuꞌu hāpī. He ꞌui ki rā nuꞌu: —¿Ko ai a au e kī ena e te taŋata?

Iovani 6:3

He iri ia a Ietū ki ruŋa i te maꞌuŋa e tahi he noho ananake ko tāꞌana nuꞌu hāpī.

2 Kōrinto 13:1

He toru ara nei ōꞌoku ka oho atu ena uꞌi i a kōrua. ꞌIna ko rehu: mo ai tāꞌue o te tātake ꞌi roto i a kōrua i te taina mo haka tī-tika ka tuꞌu atu ena a au, e ai e rua ꞌo e toru mataꞌite, pa he meꞌe kī ꞌi ruŋa i te ⌊Pāpaꞌi Moꞌa⌋.

ꞌEvereo 5:7

Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

2 Pētero 1:16

Te hāpī haka ꞌite atu era e mātou o ruŋa i te pūai nui-nui o te tātou Pūꞌoko Haka Tere ko Ietū Kiritō ꞌe o ruŋa i tōꞌona hoki iŋa mai, taꞌe he ꞌaꞌamu e tahi. Hai mata mau nei ꞌā o mātou i takeꞌa ai i tōꞌona pūai nui-nui.