Ruka 9:12 - Rapa Nui

¹² I ahi-ahi era, he haka hāhine ki a Ietū te nuꞌu hāpī ꞌāꞌana e hoꞌe ꞌahuru mā piti ꞌe he kī: —Ka kī koe ki te taŋata mo oho mo uꞌi hai kai ꞌe hai kona mo hāꞌuru o rāua a te kona hāhine mai; ꞌina, paꞌi, e tahi meꞌe o nei.

Ruka 9:12 ပူးပေါင်းရင်းမြစ်များ

Māteo 14:13

I ꞌite era e Ietū o ruŋa i rā ꞌati, he eꞌa he oho a ruŋa i te vaka ki te kona ꞌina he taŋata. I ꞌite nō e te nuꞌu, ꞌe he eꞌa mai te rāua kona taꞌatoꞌa noho he oho a ruŋa i te henua ki te kona ꞌi ira a Ietū.

Māteo 15:23

ꞌIna kai pāhono e Ietū. He haka hāhine ia tāꞌana nuꞌu hāpī ꞌe he ani: —Ka hāꞌūꞌū te viꞌe era ki hoki ai ki tōꞌona hare ꞌo ohu ꞌo oho nō mai ꞌi tuꞌa o tātou.

Māteo 15:32

He raŋi e Ietū ki tāꞌana nuꞌu hāpī ꞌe he kī: —Ko haka ꞌaroha ꞌana a au i te nuꞌu nei. Ka toru mahana o rāua ꞌi muri i a tātou ꞌe ꞌina he meꞌe toe o rāua mo kai. Kai haŋa a au mo haka oho ki te rāua hare kai kai hia ꞌo re-rehu rō ꞌi te ara.

Ruka 9:11

I ꞌite era e te taŋata, he eꞌa he oho takoꞌa ki ira. He noho ia a Ietū he vānaŋa o ruŋa o te haka tere iŋa ꞌāpī o te ꞌAtua ꞌe he haka ora i te nuꞌu māui-ui.

Ruka 9:13

He kī e Ietū: —Ka vaꞌai e kōrua hai meꞌe mo kai. He pāhono e rā nuꞌu: —Te meꞌe nō o mātou he haraoa e rima ꞌe he ika e rua. Ki taꞌa kī, ¿ki oho hō mātou ki hoꞌo mai hai kai mo te taŋata taꞌatoꞌa nei?

Iovani 6:1

I oti era te meꞌe nei, he eꞌa he oho a Ietū ki te rua pāꞌiŋa o te kona vai e kī era Vai o Karirea, e kī takoꞌa era Vai o Tīvēria.

Fīripo 1:19

ꞌi te ꞌite ōꞌoku: māuru-uru ki te kōrua pure ꞌe ki te hāꞌūꞌū o te ⌊Vārua Maitai⌋ vaꞌai mai e Ietū Kiritō te meꞌe taꞌatoꞌa topa mai ki a au mo tōꞌoku riva-riva.