Ruka 9:11 - Rapa Nui

¹¹ I ꞌite era e te taŋata, he eꞌa he oho takoꞌa ki ira. He noho ia a Ietū he vānaŋa o ruŋa o te haka tere iŋa ꞌāpī o te ꞌAtua ꞌe he haka ora i te nuꞌu māui-ui.

Ruka 9:11 ပူးပေါင်းရင်းမြစ်များ

Māteo 12:15

I ꞌite era a Ietū, he eꞌa he oho mai tū kona era, ꞌe meꞌe rahi nuꞌu i oho ꞌi muri. He haka ora i te nuꞌu taꞌatoꞌa māui-ui,

Māteo 14:14

I topa era a Ietū mai ruŋa i te vaka, he takeꞌa i te rahi o te nuꞌu; he haka ꞌaroha i a rāua ꞌe he haka ora i te nuꞌu māui-ui maꞌu ki a ia.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 21:43

»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.

Ruka 1:53

Ko haꞌaꞌī ꞌā hai taoꞌa i te nuꞌu meꞌe kore, ꞌe ko haka oho ꞌana i te nuꞌu ꞌono ꞌina e tahi meꞌe maꞌu o te rima.

Ruka 5:31

He kī e Ietū: —Taꞌe mo te nuꞌu taꞌe māui-ui te taote, mo te nuꞌu māui-ui.

Ruka 8:1

I oti era he oho a Ietū meꞌe rahi kona haka ꞌite oho i te roŋo riva-riva o ruŋa o te ⌊haka tere iŋa ꞌāpī o te ꞌAtua⌋. I oho rō ꞌi muri i a ia tāꞌana nuꞌu ⌊ꞌāpōtoro⌋ e hoꞌe ꞌahuru mā piti

Ruka 8:10

He kī e Ietū: «Ki a kōrua te ꞌAtua e haka aŋi-aŋi atu ena i te meꞌe taꞌe ꞌite e te taŋata o ruŋa o tōꞌona haka tere iŋa ꞌāpī. ꞌE, ki te tētahi nuꞌu e vānaŋa nei hai ꞌaꞌamu haꞌaauraꞌa; pē ira ka ꞌata uꞌi atu, e ko takeꞌa, ꞌe ka ꞌata haka roŋo atu, e ko aŋi-aŋi.

Ruka 9:10

I hoki tahi era te ⌊ꞌāpōtoro⌋ uŋa e Ietū, he ꞌaꞌamu ki a ia i te rāua meꞌe taꞌatoꞌa i aŋa. He toꞌo e Ietū i rā nuꞌu ꞌe he oho ananake ki te kona hāhine ki Vetetaira mo noho ko rāua nō.

Ruka 9:12

I ahi-ahi era, he haka hāhine ki a Ietū te nuꞌu hāpī ꞌāꞌana e hoꞌe ꞌahuru mā piti ꞌe he kī: —Ka kī koe ki te taŋata mo oho mo uꞌi hai kai ꞌe hai kona mo hāꞌuru o rāua a te kona hāhine mai; ꞌina, paꞌi, e tahi meꞌe o nei.

Ruka 9:2

He uŋa mo haka ꞌite o ruŋa o te ⌊haka tere iŋa ꞌāpī o te ꞌAtua⌋ ꞌe mo haka ora i te nuꞌu māui-ui.

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Aŋa o te ꞌĀpōtoro 28:31

ꞌIna he riꞌa-riꞌa e haka ꞌite era a Pauro o ruŋa o te haka tere iŋa ꞌāpī o te ꞌAtua ꞌe e hāpī era ki te nuꞌu o ruŋa o Ietū Kiritō, ꞌe ꞌina e tahi nuꞌu i kī mo taꞌe aŋa pē ira.

Rōmano 10:14

Te meꞌe nō, ¿pē hē ia ana ani te nuꞌu mo ai ꞌina he haka moe i te rāua manaꞌu ꞌi ruŋa i a Ietū? ꞌE ¿pē hē ana haka moe i te rāua manaꞌu ꞌi ruŋa mo ai ꞌina he ꞌite e tahi meꞌe o ruŋa i a ia? ꞌE ¿pē hē ana ꞌite o ruŋa i a ia, mo ai ꞌina he taŋata haka ꞌite o ruŋa?

Rōmano 10:17

Te meꞌe nō, mo haka moe e tahi kope i tōꞌona manaꞌu ꞌi ruŋa i te Kiritō, e ŋaroꞌa ꞌi raꞌe i te roŋo parautiꞌa o ruŋa; ꞌe mo ŋaroꞌa i rā roŋo, e haka ꞌite e te nuꞌu.

Rōmano 15:3

A Ietū, paꞌi, ꞌina kai aŋa i te meꞌe mo tōꞌona koa mau nō. ꞌI ruŋa i a ia i haka tano ai te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: «Te vānaŋa taꞌe tano kī era mōꞌou, ꞌi ruŋa i a au i topa mai ai».

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

ꞌEvereo 4:16

ꞌO ira, ꞌina tātou ko riꞌa-riꞌa mo haka hāhine hai pure ki te ꞌAtua, ki haka ꞌaroha mai ai i a tātou ꞌe, ꞌi tōꞌona riva rahi, e hāꞌūꞌū rō mai ꞌi te hora o te ꞌati.