Ruka 8:47 - Rapa Nui

⁴⁷ I aŋi-aŋi era e rā viꞌe ko maꞌurima ꞌana i a ia, he oho, ko rurū ꞌā ꞌi te riꞌa-riꞌa, he tū-turi ꞌi muꞌa o Ietū, ꞌe he kī ꞌo te aha a ia i haka puā ai ꞌe pē hē i ora ai tōꞌona māui-ui ꞌi tū hora ꞌā. I kī ai rā viꞌe i te meꞌe nei ꞌi muꞌa o te taŋata taꞌatoꞌa.

Ruka 8:47 ပူးပေါင်းရင်းမြစ်များ

Māteo 28:8

He oho tū ŋā viꞌe era mai rā kona e horo-horou rō ꞌā koia ko riꞌa-riꞌa ꞌe ko koa haka ꞌite i tū parau ꞌāpī era ki te nuꞌu hāpī ꞌa Ietū.

Marko 5:33

Tū viꞌe era, ko rurū ꞌana ꞌi te riꞌa-riꞌa ꞌe ko ꞌite riva-riva ꞌā ko ora ꞌana tōꞌona māui-ui ꞌi tū meꞌe aŋa era e ia, he oho he tū-turi ꞌi muꞌa o Ietū ꞌe he kī tahi i te parautiꞌa.

Ruka 8:46

ꞌAi e kī era e Ietū: —Nā ko haka puā mai ꞌā te kope e tahi; ko ŋaroꞌa ꞌā e au ko eꞌa ꞌā te mana mai ruŋa i a au.

Ruka 8:48

He kī e Ietū: —E vovo, a koe i ora ena ꞌo te haka moe ōꞌou i te manaꞌu ꞌi ruŋa i a au. Ka oho riva-riva.

Aŋa o te ꞌĀpōtoro 16:29

He kī e tū taŋata era ki te nuꞌu ꞌauario mo vaꞌai i te mōrī. I tahuti i uru ai e rurū rō ꞌā ꞌi te riꞌa-riꞌa, he tū-turi a te vaꞌe o Pauro ararua ko Tira.

1 Kōrinto 2:3

I māroa atu ai a au ꞌi muꞌa o kōrua ꞌina e tahi ōꞌoku pūai e ŋaroꞌa era e au ꞌe e rurū rō ꞌā ꞌi te riꞌa-riꞌa, ꞌo taꞌe haka tano au i te meꞌe haŋa o te ꞌAtua.

2 Kōrinto 7:15

E topa nei te manaꞌu o Tito ki te moꞌa ꞌe ki te haꞌatura iŋa era o kōrua ki a ia, he ꞌata rahi rō atu ꞌai tōꞌona haŋa mo kōrua.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.