Ruka 8:44 - Rapa Nui

⁴⁴ He haka hāhine te viꞌe nei a tuꞌa o Ietū he haka puā ki te titi o te kahu. ꞌI tū hora ꞌā he noho te tehe o te toto.

Ruka 8:44 ပူးပေါင်းရင်းမြစ်များ

Māteo 20:34

He haka ꞌaroha a Ietū i tū nuꞌu era, he haka puā hai rima ki te mata, ꞌe he ora rō ꞌai. I oti era he eꞌa he oho ꞌi muri i a Ietū.

Māteo 8:3

He haka puā e Ietū hai rima ꞌe he kī: —Ko haŋa ꞌana a au. ¡Ka ora! ꞌI tū hora mau era ꞌā he maꞌitaki te rēpera o tū taŋata era.

Māteo 9:20

E tahi ia viꞌe, ka hoꞌe ꞌahuru mā piti matahiti ꞌina he noho haka ꞌou tōꞌona māui-ui vahine, he haka hāhine a tuꞌa i a Ietū he haka puā ki te titi o te kahu

Marko 6:56

Kona nō era ꞌi ira a Ietū, ka ai atu ꞌi ꞌuta ꞌo ꞌi te kona nūnaꞌa hare, ꞌai te taŋata e haka rē era i te rāua māui-ui a te kona a ira ka vari era. ꞌE, e vari e oho era a Ietū, he ani e te māui-ui mo haꞌatiꞌa i a rāua mo haka puā ka ai atu ki te titi o tōꞌona kahu; ꞌe taꞌatoꞌa taŋata haka puā, he ora te rāua māui-ui.

Ruka 13:13

He haka eke a Ietū i tōꞌona rima ki ruŋa o rā viꞌe. ꞌI tū hora ꞌā he māroa riva-riva ꞌe he haꞌamata he haꞌahana-hana ki te ꞌAtua.

Ruka 7:38

I puā era ki a Ietū, he taŋi a te vaꞌe. He haꞌamata he haka rari he oho i te vaꞌe hai matavai. I oti era he haroꞌi hai tōꞌona rauꞌoho koia ko hoŋi ꞌe ko huri hai manoꞌi.

Ruka 8:43

ꞌI roto i rā nuꞌu e ai rō ꞌā e tahi viꞌe māui-ui; te māui-ui he toto tehe. Ka hoꞌe ꞌahuru mā piti matahiti o te ꞌamo i tū ꞌati era ꞌe, ko pau tahi ꞌana tōꞌona hauhaꞌa ꞌi te ꞌauhau iŋa i te taote mo haka ora i a ia. ꞌE ꞌina e tahi taote i ravaꞌa mo haka ora.

Ruka 8:45

He ꞌui a Ietū: —¿ꞌA ꞌai a au i haka puā mai? ꞌI te ai taꞌatoꞌa nō e kī era ꞌina a rāua kai haka puā, he kī e Pētero: —E te Maꞌori, nā te taŋata e ŋatu e tono mai ena.

Iovani 5:13

Kai ꞌite ia e rā taŋata ꞌa ꞌai a ia i haka ora ꞌo te ai ko ŋaro ꞌana a Ietū ꞌi roto i te rahi o te taŋata.

Aŋa o te ꞌĀpōtoro 19:12

E ora rō ꞌā, paꞌi, te māui-ui ꞌe e eꞌa rō ꞌā te tātane mai roto i te nuꞌu hai maꞌu nō ki a rāua e te tētahi i te haroꞌi ꞌe i te kahu puā e te hakari o Pauro.

Aŋa o te ꞌĀpōtoro 5:15

Te aŋa o te taŋata he maꞌu i te māui-ui ki te ara e haka moe rō ꞌana ꞌi ruŋa i te roꞌi ꞌe ꞌi ruŋa i te raŋaria, koiꞌite ka vari era a Pētero he ora te māui-ui hai kohu ōꞌona.