Ruka 8:42 - Rapa Nui

⁴² mo uꞌi i tāꞌana poki vahine mau nō e tahi, ka hoꞌe ꞌahuru mā piti matahiti, ko hāhine ꞌā mo mate. E oho era a Ietū ꞌi muri i rā taŋata ko pi-piri ꞌā ꞌi te rahi o te nuꞌu oho ꞌi muri.

Ruka 8:42 ပူးပေါင်းရင်းမြစ်များ

Marko 5:24

He eꞌa a Ietū he oho ꞌi muri i a Hairo, ꞌe meꞌe rahi nuꞌu i oho takoꞌa. ꞌE ꞌi te rahi, ko piri ꞌā e oho era ananake.

Ruka 7:12

I hāhine era ki rā kona, he takeꞌa e maꞌu ꞌā te nuꞌu i te pāpaku mo tanu, he kope ko ia mau nō te poki o te viꞌe hove e tahi. Meꞌe rahi te nuꞌu o rā kona oho ꞌi muri i rā viꞌe.

Ruka 8:41

He tuꞌu ia e tahi taŋata te ꞌīŋoa ko Hairo, he pūꞌoko haka tere o te ⌊hare pure hūrio⌋, ki tū kona era. He tū-turi ꞌi muꞌa o Ietū ꞌe he ani mo oho ki tōꞌona hare

Ruka 8:43

ꞌI roto i rā nuꞌu e ai rō ꞌā e tahi viꞌe māui-ui; te māui-ui he toto tehe. Ka hoꞌe ꞌahuru mā piti matahiti o te ꞌamo i tū ꞌati era ꞌe, ko pau tahi ꞌana tōꞌona hauhaꞌa ꞌi te ꞌauhau iŋa i te taote mo haka ora i a ia. ꞌE ꞌina e tahi taote i ravaꞌa mo haka ora.

Ruka 8:45

He ꞌui a Ietū: —¿ꞌA ꞌai a au i haka puā mai? ꞌI te ai taꞌatoꞌa nō e kī era ꞌina a rāua kai haka puā, he kī e Pētero: —E te Maꞌori, nā te taŋata e ŋatu e tono mai ena.

Rōmano 5:12

Hai ⌊ꞌĀtamu⌋, taŋata mau nō e tahi, i ai ai te hara ꞌi te ao, ꞌe hai hara i ai ai te mate. Pē ira te mate i ai ai mo te taꞌatoꞌa ꞌi te ai ko hara tahi ꞌana te taŋata.